Autoridade Covalima husu diretór halo transferénsia ba estudante mete arte masiál
COVALIMA, 30 janeiru 2023 (TATOLI)–Administradór Munisípiu covalima, Francisco de Andrade husu ba diretór eskola atu halo karta transferénsia bainhira estudante sira mete arte marsiál iha eskola tanba eskola fatin ne’ebé atu apreende siénsia.
“Eskola la’os fatin arte marsiál mai iha eskola husik ona artributu arte marsiál iha li’ur, tanba mai iha ne’e hanoin ida-de’it atu aprende siénsia. Tanba ha’u telefoni komandante iha ne’e hurlele malu tanba arte marsiál,” Francisco de Andrade hatetetn liuhosi nia diskursu iha ESGP Suai, segunda ne’e.
Autoridade Covalima mós fó hanoin ba diretór eskola ESGP suai, tinan-ne’e labele akontese tan estudante sira halo problema iha eskola, tanba grupu arte marsiál no bainhira akontese tan husu profesór no diretór halo karta transferénsia.
“Iha tinan-ne’e labele akontese tan ida-ne’e iha ita-nia eskola, akontese hosi profesór no diretór eskola, fó lista atu hasai estudante hosi eskola ida-ne’e sei fó karta transferénsia tanba ema ida-rua ka grupu ida labele estraga ema barak,” nia dehan.
Nu’udar estudante nia dever atu aprende, tanba estudante mak futuru ba nasaun envolve iha arte marsiál ne’e buat ketak ida tanba tuir arte marsiál ne’e hanesan desportu ida.
Arte ho nia objetivu dahuluk atu defende nia an bainhira hasoru situasuan la espera ka iha ameasadu no labele ameasa ema seluk, tanba agora laiha ona inimigu tanba mesak maun-alin no amigu de’it.
Antes ne’e, Komandante PNTL Munisípiu Covalima, Superintendente polísia Basilio de Jesus fó sai dadus iha tinan 2022, PNTL Covalima resjista estudante Eskola Sekundáriu Jerál Públiku (ESGP-Sigla portugés) envolve kazu krime aas iha Covalima.
Jornalista : Celestina Teles
Editór : Cancio Ximenes
