Kampaña nasionál imunizasaun integradu iha Covalima atinje 100%
COVALIMA, 31 janeiru 2023 (TATOLI)–Dadus kona-ba programa Nasionál imunizasaun integradu iha munisípiu Covalima ne’ebé lansa iha loron 12 fulan jeneiru to’o loron 27 fulan-janeiru ne’e atinje ona 100%.
“Progresu produtu ne’ebé ita halo kampaña nasionál ita haree hamutuk iha Covalima ita atinje liu ona 100%, maibé iha sábadu ne’e ami koko oinsá atu hasa’e tan ita-nia alvu,” Diretora Servisu saúde Covalima, Maria de Fatima Moniz, relata dadus ne’e ba Agência Tatoli, iha Camnasa, tersa ne’e.
Razaun kampaña nasionál imunizasaun integradu iha Covalima liu ona alvu ne’ebé tuir alvu enumerasaun na’in-6, 883 hosi númeru ne’e atinje ona iha 27 janeiru 7,379 signifika tuir alvu ne’ebé iha.
Kampaña nasionál integradu kompostu hosi imunizasaun rútina sarampu ba polio, introdús PCV, vitamina A no abendazol la taka dalan halo imunizasaun ba vasina Pfrizer COVID-19.
“Iha 27 janeiru ita atinje ba OPV 7379, PCV 7 iha 199, sarampu ita atinje ona 6,167, vitamina A 6,476, albendazol 5,941. Haree ba ita-nia atinjimentu ne’e katak ita liu ona alvu ne’ebé fó hosi nasionál 6, 883. Ami iha komitmentu ida, oinsá atu hasa’e tan númeru alvu ne’ebé iha tanba ita haree labele liu 100%,” nia informa.
Ho nune’e, hasa’e alvu munisipalmente OPV, 7,983, CPV 7.799 kada nia produtu vitamin A no albendazol iha trajetu entaun hasa’e númeru alvu presija aumenta tan 604.
Hafoin lansa kampaña nasionál imunizasaun integradu iha loron 12 janeiru ne’e, to’o iha loron 27 janeiru liu ona alvu hosi nasionál tanba molok ne’e halo advokásia kedas ona hosi munisipál to’o iha suku
Durante implementa programa kampaña nasionál imunizasaun ne’e xefe suku sira halo mobilizasaun komunidade mai iha fatin tau postu vasinasaun no fó avizu liuhosi igreja kada domingu.
Munisípiu Covalima ho nia suku 30 estabelese postu kampaña nasionál imunizasaun, iha aldeia iha 148, aumenta tan pos vasina iha eskola pre-eskolár hamutuk postu-159.
Jornalista : Celestina Teles
Editór : Cancio Ximenes
