MAE husu AMC elabora projetu PIM Covalima
COVALIMA, 31 janeiru 2023 (TATOLI)–Diretór Programa Dezenvolvimentu Integradu Munisipál (PDIM), Afonso Nugueira Nahak, hateten Ministériu Administrasaun Estatal (MAE), husu Administrasaun Munisípiu Covalima elabora projetu Planu Integradu Munisípal (PIM) Covalima.
“Ita laiha orsamentu ba kapital dezenvolvimentu, maibé Ministériu Administrasaun Estatál (MAE) husu nafatin atu ita halo elaborasaun Planu Integradu Munisipál (PIM) 2024. Ita laiha orsamentu tanba sei iha osan reapropriasaun ba projetu rua hanesan konstrusaun edifísiu postu administrativu Maucatar no konstrusaun rezidénsia administradór Covalima maizumenus iha orsamentu $78 0000 ne’ebé kada projetu ita halo pagamentu 20%,” Afonso Nugueira Nahak informa ba Agência Tatoli, iha resintu AMC, tersa ne’e.
Tanba Prosesu Planu Integradu Munisipál (PIM) la hanesan ho Planu Dezenvolvimentu Integradu Munisipal (PDIM), tanba prosesu ne’e tenke mai hosi nivél aldeia ba iha postu deside liuhosi asembleia postu elabora halo submisaun prióridade hafoin ba munisípiu.
Planu mai hotu-ona iha projetu 30, hafoin enkontru tékniku PDIM hakotu 28 de’it tanba projetu rua hanesan ho razaun parte saúde no postu administrativu hato’o proposta hanesan atu konstrui rezidénsia ba pesoál saúde sira iha suku Holpilat.
Ho nune’e, agora to’o ona prosesu iha faze Unidade Traballu Sosializada (UTC) sei halo verifikasaun no avalia ba fatin konstrusaun sira.
Kona-ba bainhira mak atu implementasaun maibe agora sira tuun ona ba haree atu lori mai halo fali dezeñu Planta no kadernu Enkargu (BoQ).
“Prosesu hafoin ita lori ba aprezenta ba iha enkontru konsellu koordenasaun munisipál fulan maiu. Projetu hirak ne’e labele implementa iha tinan 2023, maibé 2024 mak ita sei implementa. Ho razaun orsamentu munisípiu Covalima $1,417,92 maske projetu barak mós ita-nia osan mak ida-ne’e. Ita aloka tuir kustu dezeñu VOQ ho orsamentu aloka mai iha tinan 2024,” nia hateten.
Bazea ba livru 3B ne’ebé Agência Tatoli asesu OJE tinan fiskál 2023, Covalima $5.738,515 ne’ebé fó prióridade ba programa 11 mak hanesan estrada no ponte $67,709.
Dezenvolvimentu rurál no urbana $78,972, seguransa nasionál $105,079, asesu justisa $54,368, boa-Governasaun jestaun instituisionál $2,852,631, agrikultura $ 528,958
Agua no Saniamentu $165,441, Saúde $244,959 edukasaun no formasaun $1,446,477, igualdade jéneru no Inkluzaun sosiál $136,300 no Turizmu $ 57,621.
Jornalista : Celestina Teles
Editór : Cancio Ximenes
