Profisionál saúde na’in-ualu tuir formasaun onkolojia iha Ospitál Siloam Jakarta
DILI, 31 janeiru 2023 (TATOLI) – Hospitál Nasionál Guido Valadares (HNGV) haruka ona profisionál saúde na’in-ualu ba tuir formasaun iha Ospiál Siloam Jakarta. Iha formasaun ne’e toka kona-ba kuidadu no tratamentu ba pasiente moras kankru durante fulan rua.
“Sira na’in-ualu aranka ona iha semana kotuk, entaun sira la’os ba eskola maibé sira ba tuir formasaun kuidadu no tratamentu ba pasiente moras kankru nian iha Jakarta durante fulan rua, tanba ita-nia fatin ba onkoljia daudaun ne’e prosesu la’o hela, bainhira sira fila mai utiliza fatin ne’e hodi halo atendimentu ba pasiente sira”, Diretór Klíniku HNGV Marcelino Correia, dehan ba TATOLI iha HNGV, ohin.
Nia afirma, profisionál saúde sira ne’ebé ba tuir formasaun ne’e oinsá kahur aimoruk no atu halo kemoterapia. Hirak ne’e bainhira fila mai Timor-Leste ho objetivu atu halo tratamentu pasiente sira iha ne’e.
“Sira na’in-ualu ne’e mai husi farmasista nai’n-tolu, enfermeriu na’in-tolu no onkolojia na’in-rua”, dehan Marcelino Correia.
Rekorda katak Minsiteriu Saúde deklara kada tinan Governu tenke aloka orsamentu dolar miliaun hitu destina ba pasiente hodi tratamentu saúde iha rai-liur tanba sofre moras króniku hanesan kankru, tumor, korasaun no seluk tan.
Jornalista : Felicidade Ximenes
Editór : Zezito Silva
