DILI, 03 fevereiru 2023 (TATOLI)—Xefe Ofisial Klimatika no Adjuntu Asistente Administradora Ajénsia Dezenvolvimentu internasionál Estadu Unidu (USAID), Gillian Caldwell, hateten mudansa klimátika mak kauza perigu ba dezenvolvimentu agrikultura no setór buka moris ekolojiku iha Timor-Leste.
“Mmudansa klimátika sei fó impaktu ba dezenvolvimentu agrikultura no setór buka moris no mós ekolojiku iha Timor-Leste,” Xefe Officer ne’e hateten ba mudansa klimátika hosi USAID ba jornalista sira iha Timor Plaza, sala Maubara, sesta ne’e.
Objetivu atu hadi’a seguransa ai-han, nutrisaun no reziliénsia ba krize iha Timor-Leste, nune’e USAID fornese ona projetu agrikultura ho montante millaun $4 ne’ebé sei hasa’e produsaun no prosesamentu ai-han ne’ebé efisiente no efikasia, no foka mós ba melloramentu asesu agrikultór nian ba merkadu no hasa’e disponibilidade ai-han nutritivu.
“Ha’u mós hala’o vizita ida atu observa empreza ki’ik sira iha illa Ataúro ne’ebé besik ne’e, ne’ebé nia atividade buka-moris eko-turizmu hetan benefísiu hosi apoiu hosi USAID no proteje rekursu naturál no biodiversidade tasi nian. No estratéjia ne’ebé mak USAID fornese ne’e ho objetivu atu proteje no prezerva Timor-Leste nia biodiversidade iha nasaun ida-ne’e,” nia konklui.
USAID mós sei fornese orsamentu atu kontinua apoiu ba setór agrikultura iha Timor-Leste ho valór millaun $150 iha tinan 2030.
Jornalista : Osória Marques
Editór : Cancio Ximenes
