Top

PLP hakarak eleisaun parlamentár la’o ho kualidade

Prezidente Repúblika, José Ramos Horta, enkontru ho Partidu PLP ne'ebé hetan asentu parlamentár. iha Palásiu Prezidensial Nicolau Lobato, Bairru Pite, sesta (03/02). Imajen Tatoli/Egas Cristovão.

DILI, 03 fevereiru 2023 (TATOLI)—Prezidente Repúblika (PR), José Ramos Horta, sesta ne’e, konvida no rona Partidu Libertasaun Populár (PLP) nia hanoin molok dekreta kalendáriu eleisaun ba eleisaun parlamentár 2023.

Segundu Vise Prezidente partidu PLP, Deométrio do Amaral de Carvalho, hateten Xefe Estadu konvida hanesan konsultasaun ida ho partidu polítika sira, ohin bibán ida Partidu Libertasaun Populár (PLP), mai hodi fó opiniaun konsultasaun ida-ne’ebé Prezidente inísia nia matéria prinsipál kona-ba Prezidente nia desizaun ba deklara eleisaun jerál ne’ebé karik iha tempu sei deklara.

PLP nia opiniaun eleisaun jerál ida-ne’e, ne’ebé mosu depois tinan 20 restaurasaun independénsia nune’e hakrak la’o ho kualidade.

Prezidente Repúblika, José Ramos Horta enkontru ho Partidu PLP ne’ebé hetan asentu parlamentár, iha Palásiu Prezidensial Nicolau Lobato, Bairru Pite, sesta (03/02). Imajen Tatoli/Egas Cristovão.

“Ita hakarak eleisaun ida-ne’ebé la’o ho kualidade, ne’ebé rekere ita-nia preparasaun sira di’ak entermu lojístika, kuadru legál sira-ne’ebé sei guia operasionalizasaun prosesu eleisaun sira no mós rekursu umanu sira bele operazionaliza sistema sira andamentu ba eleisaun jerál ne’ebé ita sei hala’o,” Segundu Vise Prezidente partidu PLP ne’e  hateten ba jornalista sira hafoin ramata enkontru ho Xefe Estadu iha Palásiu Prezidensiál Nicolau Lobato, Bairru Pite.

PLP haree PR hanesan koñesidu iha mundu hanesan Nobel da Páz, tan ne’e eleisaun jerál depois akontese tinan 20 restaurasaun indepedénsia nune’e eleisaun ida tenke hala’o ho trankuilidade, akuntabilidade no demostra lideransa sira hotu nia matenek no jestaun ba prosesu eleisaun mai.

PLP prepradu no prontu atu partisipa iha eleisaun parlamentár 2023, hodi hein bainhira mak Prezidente Repúblika, José Ramos Horta, dekreta kalendáriu eleisaun.

Nia mós hato’o katak, tempu badak PLP sei hala’o kongresu nasionál iha tempu badak.

Jornalista : Nelson de Sousa

Editór      : Cancio Ximenes

Publisidade

Leave a Reply

Latest Post

error: Content is protected !!