COVALIMA, 03 fevreiru 2023 (TATOLI)–Diretór Transporte no Komunikasaun (DTC) Covalima, Joaquim Gusmão, hateten hahú iha fulan janeiru to’o dezembru tinan 2022 ne’e DTC Covalima kontribui ona reseita $57,335 ba kofre Estadu.
“Hahú janeiru to’o dezembru 2022, ami kontribui reseita $57,335 ba kofre Estadu liuhosi fonte inspesaun veikulu, lisensa trajetu, renova karta kondusaun ho troka propetáriu no troka sapa matríkula,” Juaquim Gusmão hateten ba Agência Tatoli iha Santa Rosa, sesta ne’e.
Tanba ne’e, nia husu ba sidadaun sira-ne’ebé utiliza transporte privadu ka públiku bainhira dokumentu mate ona tenke halo renovasaun. Nune’e, bainhira polísia tránzitu halo pasa revista sidadaun la tauk.
“Ita lakohi halai fila bainhira polísia tránzitu halo pasa revista entaun tenke halo renovasaun dokumentu transporte ne’ebé mak ita uza,” nia dehan.
Renovasaun ba transporte públiku kamisaun sira ho nia duransaun tempu fulan neen (6), maibé motorizada no kaereta Avanza sira-ne’e ho durasaun tempu tinan-ida.
Reseita ne’ebé DTC iha tinan 2022 hahú iha fulan-janeiru to’o dezembru invoise 4953 ho orsamentu $57,332.50, invoise ba inspesaun veikulu hamutuk 3,997 ho orsamentu $41,480.00, invoise ba lisensa trajetu 155 nia orsamentu $ 3,500.00
Invoise renova karta kondusaun 438 ne’e nia orsamentu $8.370.00, inovoise ba rejistu proprietária 358 nia orsamentu $3.870.00, invoise troka xapa matríkula haat (4) nia orsamentu $100.00, invoise xapa lakon ida-nia orsamentu $12.50
Jornalista : Celestina Teles
Editór : Cancio Ximenes
