DILI, 07 fevereiru 2023 (TATOLI) – Xefe Estadu Maior Jenerál F-FDTL tenente Jenerál Domingos Raul Farol Rate Laek, husu membru foun Forsa Defeza Timor Leste (F-FDTL) atu sai defensór ba povu no nasaun iha kualker ameasa.
”Ha’u husu membru Falentil Forsa Defeza Timor Leste (F-FDTL) foun atu servisu di’ak tuir misaun ne’ebé iha, defende povu, kontra kualker ameasa no defende seguransa nasionál iha territóriu nasionál”, Xefe Estdu Maior Jeneral F-FDTL, dehan iha ámbitu serimónia graduasaun ba membru foun 2022 iha sentru treinamentu Nicolau Lobato Metinaro, ohin.
Iha fatin hanesan, Ministru Defeza Filomeno Paixão, husu ba membru foun atu hala0o misaun ho di’ak hodi servi rai ida ne’e.
”Membru foun sira ne’e signifikante tebes tanba iha tinan 2021 membru hamutuk 600, agora daudaun mós nafatin 600”, Filomeno Paixão informa.
Nia deklara, tinan oin sei halo rekrutamentu ba espesialidade lisensiatura hamutuk 100 atu bele mai forma ekipa tékniku iha Forsa Defesa Timor-Leste nian.
Jornalista : Felicidade Ximenes
Editór : Zezito Silva
