DILI, 07 fevereiru 2023 (TATOLI) – Prezidente Repúblika José Ramos Horta, dehan iha tempu badak nia-laran sei lansa programa hamoos sidade Dili.
“Uluk iha ha’u nia prezidénsia dahuluk, ha’u halo programa ida hamos Dili laran no sei partisipa hosi suku ka aldeia”, Xefe Estadu ne’e hato’o liuhosi intervesaun bainhira realiza diálogu ba pás ho lideransa komunitária sira inklui Polísia Nasionál Timor-Leste no Autoridade Protesaun Sivil ne’ebé mak hala’o iha Palásiu Prezidensiál, tersa ne’e.
Nia dehan, programa ida ne’e nu’udár parte ida halo kampaña oinsá kontribui ambiente ne’ebé maka moos.
“Suku ka aldeia ne’ebé mak moos sei entrega diploma ho prémiu osan $1.000 no prémiu ne’e uza konforme imi nia hakarak”, José Ramos Horta dehan.
“Favór xefe suku sira no xefe aldeia eduka populasaun hodi prevene soe lixu ba mota laran, halo fali mota sai hanesan fali lixu, depois udan mai tama ba tasi depois oho ita-nia ikan”, nia konklui.
Jornalista: Natalino Costa
Editór : Zezito Silva
