Edukasaun Covalima finaliza ona distribui diploma ba eskola sira
COVALIMA, 08 fevreiru 2023 (TATOLI)–Servisu Munisipál Edukasaun Covalima finaliza ona distribui diploma ba eskola-sira ne’ebé eziste iha Covalima hodi bele distribui ba estudante finalista periódu tinan 2022.
“Ita entrega hotu ona diploma ba eskola sira, maibé problema agora balun seidauk mai sidik jari no seidauk asina, entaun ha’u haruka sira fila tanba sira na’in ba Dili,” Diretór Servisu Edukasaun Munisípiu Covalima, Rui Amarál Suri Seran, hateten ba Agência Tatoli, iha nia kna’ar fatin, Santa Rosa, kuarta ne’e.
Nia dehan, diploma ba estudante finalista periódu 2022 ne’e, edukasaun Covalima distribui hotu ona ba eskola sira-ne’ebé eziste iha Covalima.
Tuir kalendáriu, estudante sira hala’o ezame nasionál hahú iha loron 24 fulan-outubru 2022 to’o remata.
Dadus estudante finalista períodu 2022 hosi ensinu báziku, ensinu sekundáriu jerál no ensinu tekniku Vokasionál na’in-2.812 iha Covalima ne’ebé partisipa ezame nasionál, iha fulan-outubru tinan tinan kotuk.
Estudante ne’ebé tuir ezame nasional iha munisípiu Covalima mak hanesan estudante sira hosi ensinu báziku na’in-1.761, ensinu sekundáriu jerál na’in-800 no ensinu tekniku vokasionál estudante hamutuk na’in-251
Jornalista : Celestina Teles
Editór : Cancio Ximenes
