Grupu Haburas Domin halo atividade hortikultura iha Beaço
VIQUEQUE, 08 fevereiru 2023 (TATOLI)- Komunidade sira iha suku Maluru, postu Viqueque-Villa, munisípiu Viqueque, iha inisiativa kria grupu Moris Hamutuk, hodi halo atividade ortikultura hodi sustenta nesesidade uma-laran nian.
“Ami hala’o atividade ortikultura ida-ne’e tanba sai hanesan kampu serbisu ida ba ami atu buka moris, hodi sustenta ba ami-nia família uma laran no balun ami selu ami-nia oan sira nian eskola”, Sekretáriu Grupu Haburas Moris, Justino Fernandes Clever, hateten ba jornalista sira, iha suku Maluru, kuarta ne’e.
Justino hatutan, hafoin ida-ne’e grupu Haburas Moris hetan apoia hosi Organizasaun Internasionál Adventist Development and Relief Agency (ADRA) fó apoia modo musan no apoia traktór hodi fila rai hodi kuda tomante, buah naga, modo no fore talin.
“Ami mós kontinua hetan apoiu fundu husi Autoridade Nasionál Petróleu no Minerál (ANPM) hamutuk $4.200-resin hodi halo lutu no sosa hand tractor”, nia akresenta.
Dezafiu ne’ebé grupu hasoru, nia dehan maske iha prodús produtu barak, maibé laiha merkadu ka ema sosa mak laiha no modo balun rai to’o dodok.
“Ida-ne’e sai hanesan dezafiu ida ba grupu hodi hasa’e liu tán produtividade. Tanba dala konsumidór sosa kada loron ida $3 to’o $4 no folin buah naga fuan ida presu $4 to’o $5.
Grupu Moris hamutuk harii iha 2021 ho membru na’in-21, fatin ortikultura ho medida naruk metru 100 no metru luan 70.
Jornalista : Vitorino Lopes da Costa
Editór : Florencio Miranda Ximenes
