iklan

NASIONÁL, POLÍTIKA

Governu prevee millaun $12 ba eis titulár sira kada tinan

Governu prevee millaun $12 ba eis titulár sira kada tinan

Vise-Ministra Solidariedade Sosiál no Inkluzaun, Signi Chandrawati Verdial. Imajen/Nelson de Sousa.

DILI, 09 fevereiru 2023 (TATOLI)–Vise Ministra Solidariedade Sosiál no Inkluzaun (MSSI), Signi Chandrawati Verdial, hateten Governu prevee osan hamutuk millaun $12 ba eis titulár sira kada tinan.

Notísia Relevante: Governu Prevee Millaun $6 Ba Pagamentu Pensaun Vitalísia

“Dereitu ida-ne’ebé ba ita-nia eis titulár ba órgaun soberania hetan tuir lei haruka. Maibé, saida mak ita halo no hanoin katak kada tinan gasta osan ba lei pensaun vitalisia ho montante millaun $12, Entaun, ita hanoin sustentabilidade hakarak integra ba Institutu Nasionál Seguransa Sosiál (INSS), nune’e ema hotu kontribui no mós ita-boot sira kontribui. Agora titulár sira hodi hanoin di’akliu atu kontribui, nune’e aban bainrua ita mós hetan pensaun ne’e,” nia hateten ba jornalista sira iha MSSI, Caicoli, kinta ne’e.

“Maibé, ha’u ba depende lei pensaun vitalisia iha Parlamentu Nasional ne’ebé seidauk hetan aprovasaun Parlamentu Nasionál devolve fila-fali lei pensaun vitalisia,” nia hateten.

Nia hateten, MSSI ho substentabilidade hodi promove oinsá integra lei pensaun vitalisia ba iha  Rejime Institutu Nasionál Seguransa Sosiál (INSS), nune’e ema hotu kontribui atu nune’e bele iha substentabilidade.

“Signifika ita labele servisu de’it no ita la kontribui maibé ita hetan pensaun vitalisia no povu baibain kontribui ne’ebé parte balun la kontribui. Diferensa mak ne’e, balun iha titulár ezerse nia funsaun hanesan membru Governu no Parlamentu Nasionál hanesan povu baibain,” nia dehan.

Importante tebes, nia dehan, gasta millaun $12 maibé agora millaun $12 ne’e liuhosi Orsamentu Jeral Estadu (OJE) no osan hirak-ne’e gasta ba titulár de’it, nune’e kada tinan sei sa’e maibé ema-nia kontribuisaun ne’e integra no ema hotu ko’a osan fula-fulan no bainhira reforma ne’e ba simu nia direitu sei justu liu.

Ida-ne’e, nia dehan, depende iha momentu ne’ebá kona-ba lei pensaun vitalisia la hetan aprovasaun iha Parlamentu Nasional sei devolve fila mai, depois Primeiru-Ministru enkamiña fila-fali no bainhira atu ba fila-fali sei iha informasaun.

Iha tinan 2019, VIII Governu Konstitusionál lideradu Primeiru-Ministru , Taur Matan Ruak, prevee millaun $6 ba pagamentu pensaun vitalísia iha proposta orsamentu jerál Estadu ( OJE ) 2020, no orsamentu ho valór millaun $6 ne’e prevee liuhosi kategoria transferénsia orsamentu.

Jornalista : Osória Marques

Editór        : Cancio Ximenes

iklan
iklan

Leave a Reply

iklan
error: Content is protected !!