iklan

EKONOMIA, BAUCAU, HEADLINE, MUNISÍPIU

Administrasaun Munisipál husu CCI-TL kontribui setór ekonomia iha Baucau

Administrasaun Munisipál husu CCI-TL kontribui setór ekonomia iha Baucau

CCI-TL Baucau realiza konferensia ba daruak iha Sentru Konvensaun Baucau (CCD, sigla Portuges), Sabdu (11/02) Imajen : Agensia TATOLI/Natalino Belo

BAUCAU, 11 janeiru 2023 (TATOLI) – Autoriedade administrasaun Munisipál Baucau husu Kamara Komérsiu Indústria Timor-Leste (CCI-TL, sigla Portugés) atu dezenvolve setór ekonomia iha munisípiu Baucau.

Prezidente Autoriedade Munisipál (PAM) Baucau, Olivio ‘Bou-Lesa’ Freitas, konsidera emprezáriu Baucau oan iha espiritu nasionalizmu aas, hadomi no sempre kontribui no sai parseiru prinsipál iha prosesu dezenvolmentu Munisípiu Baucau no nasaun Timor-Leste.

“Ha’u louva ho ita-boot sira-nia konferénsia ba daruak atu bele haree ba oin liuliu dezenvolve ekonomia munisípiu Baucau no jeralmente Timor-Leste”, Prezidente Autoriedade Munisipál Baucau, hateten iha Sentru Konvensaun Baucau (CCB, sigla Portugés), sábadu, ohin.

Bou-Lesa enkoraza, CCI-TL Baucau atu hili estrutura ne’ebé liuhosi konferénsia tenke ema ne’ebé iha kapasidade atu jere CCI hodi dezenvolve Baucau liuhosi setór negósiu.

Admistrasaun Munisipál Baucau mós fó hanoin ba estrutura sesante atu kontinua kolabora ho estrutura foun liuhosi esperiénsia tinan barak atu kontribui ba setór ekonomia iha Baucau.

“CCI mak sai forsa atu dezenvolve Baucau ida-ne’e la’o ba di’ak liuliu emprezáriu sira, la’os Governu de’it”, Bou-Lesa akresenta.

CCI-TL munisípiu Baucau realiza konferénsia ba daruak hodi hili estrutura foun ba mandatu tinan-haat (2023-2027) ne’ebé partisipa hosi Prezidente Autoriedade Munisipál Baucau, Olivio Bou-Lesa Freitas, Admistradór postu administrativu Baucau, CCI-TL nasionál inklui kongresista hamutuk nain-150 kompostu asosiasaun emprezáriu iha munisípiu Baucau.

Jornalista       : Natalino Belo 

Editór             : Zezito Silva

iklan
iklan

Leave a Reply

iklan
error: Content is protected !!