Janeiru 2023: SMJMT kontribui ona reseita $8, 57,75 ba kofre Etadu
COVALIMA, 14 fevereiru 2023 (TATOLI)–Diretór Servisu Munisipál Jestaun Merkadu no Turizmu, Vitorino do Carmo, hateten iha fulan-janeiru tinan 2023 ne’e Servisu Munisipál Jestaun Merkadu no Turizmu kontribui ona reseita $8,57,75.
“Iha fulan-janeiru tinan 2023 ne’e kompañai sira monta públisidade hodi kontribui reseita $8,57,75 ba kofre Estadu maibé barak mak seidauk iha koñesimentu kona-ba monta públisidade,” Vitorino do Carmo hatetetn ba Agência Tatoli, iha Bairru Costa, tersa ne’e.
Maske, iha fulan-janeiru 2023 ne’e, SMJMT kontribui ona reseita $8, 57,75 maibé presiza halo sensiblizasaun ba kompañai sira, nune’e sira bele monta públisidade tanba balun monta de’it públisidade iha sira-nia loja no kioske oin.
Reseita ne’ebé SMJMT kontribui ona reseita $8,57,75 mai hosi públisidade tanba kompaña ualu mak kontribui reseita mak hanesan kompaña YY Guizheng Fengmei, Nefran Boycall, Ofisina Yestoya Motor, Lda, Nesjian Yizhong Yun, Mao Fa, Lda, Silmanizia Unipesoál, Lda, Ofisina Aristabere Enin, Ivonee Jenora Camela de Araújo no Eastern Dragon, Lda.
Mekanizmu atu halo sensibilizasaun funsionáriu sira sei tun direta ba terrrenu hodi halo esplikasaun ba sira kona-ba monta publisidade atu bele kontribui reseita ba kofre Estadu.
“Prosesu selu reseita hosi pubisidade ne’e, kompañia sira selu direta, iha banku, ami simu de’it dokumentu hosi banku hodi halo arkiva dokumentu,” nia hateten.
Total pesoál ne’ebé servisu iha Servisu Munisipál Jestaun Merkadu no Turizmu ne’ebé fahe ba departamentu jestaun merkadu ho nia kazoál na’in-rua (2) no departamentu Turizmu Komunitáriu kazoál na’in-ida (1) no funsionáriu públiku na’in-ida (1).
Jornalista : Celestina Teles
Editór : Cancio Ximenes
