DILI, 17 fevereiru 2023 (TATOLI)–Reitór Universidade Nasionál Timor Lorosa’e (UNTL) João Soares Martins, husu Dekanu eleitu Teodoro Soares atu hatudu ninia responsabilidade no servisu makaas hodi kontinua hadi’a kualidade iha Fakuldade Edukasaun Arte no Umanidade (FEAH).
Nia hatutan, dezafiu ba oin mak dekanu eleitu tenke garante kualidade iha Fakuldade FEAH, tanba fakuldade ne’e mak sai casa de produçào ida ba profesór no rekursu umanu ho kualidade iha Timor-LLestee.
“Ha’u hakarak dehan fakuldade ne’e mak sei prepara rekursu umanu no profesór ida ho kualidade atu apoiu edukasaun iha nivéel Pre-Eskolár, Ensinu báziku, ensinu sekundáriu jerál no tékniku vokasionál ba to’o Instituisaun Ensinu Superior,” João Matins hateten iha nia diskursu ne’ebé hato’o iha serimónia tomada de pose ba dekanu FEAH nian iha sala auditória Liceu UNTL, sesta ne’e.
Reitór ne’e husu ba lideransa foun ne’e bainhira asume responsabilidade ba tinan haat mai ne’e bele halo esforsu makaas hodi hadi’a kualidade iha fakuldade FEAH.
Hanesan reitór, nia nafatin fó apoiu ba fakuldade hotu maibé ba sir-ne’ebé iha ona forsa sei bele la’o mesak no ba fakuldade ne’ebé mak sei iha prosesu rekuperasaun nia laran, universidade sei kontinua akompaña nafatin, atu nune’e bele ajuda aselera progresu sira.
Tanba ne’e, nia deehaan, dekanu foun tenke hatudu ona dezempeñu servisu hodi nune’e bele lori fakuldade FEAH hetan progresu ne’ebé di’ak iha future.
Tanba, nia hateten, durante mandatu Dekana Ana Cristina nian konsege hatudu ona buat barak tuir Universidade nia haree iha duni kualidade no iha mós responsabilidade ne’ebé aas no boot ba fakuldade.
“Ho lideransa ne’ebé nia iha konsege halo ona kooperasaun di’ak ho fakuldade sira seluk iha UNTL nia laran importante ba dezempeñu ba futuru,” nia dehan.
Dekanu Eleitu Fakuldade Edukasaun Arte no Umanidade (FEAH), Teodoro Soares, hateten ohin nia simu tomada de pose assume kna’ar to’o mandatu tinan haat ne’e tanba esforsu lideransa sesante nian.
“Hanesan lideransa foun ne’ebé atu lori fila-fali fakuldade ne’e ba tinan haat nia laran, nia sei halo ezersísiu makaas atu hatutan servisu ne’ebé mak dekana sesante halo ona no sei aumenta tan buat foun ruma ne’ebé mak presiza atu kria tan ba progresu Fakuldade nian. Atu nune’e, FEAH bele sai duni fakuldade ida-ne’ebé konsidera hanesan fuan no iis ba rekursu umanu nasaun ida ne’e nian,” nia dehan.
Jornalista : Tomé Amado
Editór : Cancio Ximenes
