iklan

NASIONÁL, HEADLINE, POLÍTIKA

CUOFCC-TL realiza konferénsia nasionál hodi aborda liután organizasaun rezisténsia

CUOFCC-TL realiza konferénsia nasionál hodi aborda liután organizasaun rezisténsia

Confederação Unidade das Organizaçōes Frebte Caixa Clandestina Em Timor-Leste (CUOFCC-TL), realiza primeiru konferénsia nasionál ho tema "Hametin Rezistensia Nudar Meus Hodi Reforsa Rezilensia Nasional ba Rekostrusaun Estadu", iha salaun CNE Dili, sábadu (18/02). Imajen Tatoli/Francisco Sony

DILI, 18 fevereiru 2023 (TATOLI)- Konfederasaun Unidade Organizasaun Frente Kaixa Klandestina Timor-Leste (CUOFCC-TL, sigla portugés), sábadu ne’e, realiza konferénsia dahuluk, ho tema ‘Hametin Rezisténsia Nu’udar Meius Hodi Reforsa Reziliénsia Nasionál ba Rekonstrusaun Estadu’.

Prezidente CUOFCC-TL, Tadeo Sebastião Sarmento, informa konferénsia nasionál ne’e hala’o durante loron-rua hahu sábadu (18/02) to’o  domingo (19/02), ho objetivu atu aborda membru hosi organizasaun rezisténsia no kaixa klandestina sira-nia hanoin no ideia.

Prezidente Komisaun Konferénsia Nasional CUOFCC-TL, Celestino Antonio Guterres “Kalohan”. Imajen Tatoli/Francisco Sony

“Hodi nune’e estrutura ne’ebé estabelese ona tau-ba iha planu no programa sira ne’ebé trasa ona, katak hadi’ak vida nasaun katak labele husik ema-sira ne’ebé terus ba nasaun ne’e nia indepdénsia hodi terus nafatin iha nasaun rasik. Iha faze independénsia nia laran, justisa tenke la’o ho di’ak no halo kooperasaun ba malu. Tenke defende área produtivu sira, Edukasaun no saúde ba ema hotu”, Prezidente Konfederasaun ne’e hateten iha ámbitu konferénsia nasionál, ne’ebé hala’o iha Salaun Komisaun Nasionál Eleisaun (CNE).

Nia hatutan, estrutura Konfederasaun sei esforsu hodi hato’o ba Governu hodi kore povu hosi mukit no ki’ak liliu hodi bele alkansa mehi ne’ebé éroi sira husik hela. Tanba luta ba nasaun liután no nasaun iha ona ninia soberanu rasik maibé seida’uk liberta povu.

“Nune’e konfiderasaun existe atu sai mahon ba organizasaun rezisténsia no kaixa klandestina sira hodi luta dala ida tan ba dezenvolvimentu nasionál”, nia otimista.

Líder Rezisténsia no Tenente-Jenerál Reformadu, Lere Anan Timur. Imajen Tatoli/Francisco Sony

Biban hanesan, Tenente Jenerál Reformadu, Lere Anan Timur, reforsa katak, konferénsia ne’e importante tebes tanba atu moris no halo moris nafatin memória rezisténsia nian.

“Katak atu halo moris nafatin memória sira ne’ebé ohin loron lahamutuk ona ho ita. Ita ne’ebé sei moris ita lori tusan boot iha ita-nia kabas leten, ba sira ne’ebé mate ona, tanba ita manán ona funu ida, inimigu ida, maibé inimigu ida sei iha ita-nia oin, mak luta ba povu no nasaun nia di’ak tanba ita sai ona nasaun ida ne’ebé povu livre”, Lere haktuir.

Biban ne’e Prezidente Komisaun Organizadora, Celestino António Guterres ‘Kalohan’, lee sai karta ida hosi Kayrala Xanana Gusmão ne’ebé husu desklpa tanba lapartisipa iha konferénsia nasionál tanba okupadu ho servisu Partidu nian.

Maibé, Líder nasionál ne’e hato’o mensajen importante ba estrutura Konfederasaun no partisipante sira katak, nia prontu atu sai konsileiru ba Konfiderasaun maibé atu husu labele politiza Organizasaun katak labele lori Organizasaun tama tama ba Partidu.

Iha ámbitu abertura Konferénsia nasionál dahuluk ne’e lansa mós Portál no Hino (kantigu) Konfederasaun nian.

Jornalista : Antónia Gusmão

Editór        : Florencio Miranda Ximenes

iklan
iklan

Leave a Reply

iklan
error: Content is protected !!