Aban, CCI-TL Oé-Cusse realiza konferénsia munisipál
OÉ-CUSSE 22 fevereiru 2023 (TATOLI) – Kámara Komérsiu Indústria Timor-Leste (CCI-TL, sigla portugés), kinta ne’e (23/02), realiza konferénsia datoluk hodi hili estrutura foun ba períodu 2023-2027 iha Rejiaun Administrativa Espesiál Oé-Cusse Ambeno (RAEOA).
Tuir karta konvite ne’ebé Agência Tatoli asesu, atividade konferénsia ne’e realiza iha iha otél Oé-Upun, Oé-Cusse ne’ebé sei partisipa másima mai hosi Diretór kompañia sira hanesan kongresista no asosiasaun emprezáriu.
Prezidente CCI-TL iha RAEOA, Eurico da Rosa, informa, serimónia abertura ba konferénsia ne’e, sei abertura direita hosi Prezidente Autoridade RAEOA, Arsénio Paixào Bano, akompaña ho Ministru Koordenadór ba Asuntu Ekonómiku (MKAE), Joaquim Amaral, akomapña hosi Prezidente CCI-TL, Jorge Manuel de Araújo Serrano.
“Ita-nia preparasaun ne’e másimu, konvite ba seguransa Autoridade RAEOA distribui ona, ne’ebé iha kinta, aban ita sei realiza konfénsia ne’e, tanba hetan partisipasaun másimu mai hosi kompañia no emprezáriu sira, hosi parte Governu mós sei hola parte hosi MKAE,” Eurico da Rosa, ko’alia iha Oé-Cusse, kuarta ne’e.
Entretantu, estrutura CCI-TL iha RAEOA ne’ebé asume kargu ne’e dezde 2018 no sei termina iha 2023 ne’e, no mandatu tuir mai sei asumi kargu Prezidente CCI-TL iha RAEOA durante tinan lima, hahú 2023 to’o 2027.
Jornalista: Abílio Elo Nini
Editór: Evaristo Soares Martins
