EDTL, E.P instala ona prepagu 5,280 ba kliente sira iha Covalima
COVALIMA, 24 fevereiru 2023 (TATOLI)–Xefe Unidade Eletrisidade de Timor-Leste, Empreza Públiku (EDTL, E.P) Covalima, Alexandre Seran, hateten tékniku EDTL, E.P halo ona instalasaun prepagu hamutuk 5,280 ba kliente sira iha Covalima.
“Ha’u asume kargu xefe unidade EDTL, E.P Covalima hahú iha tinan 2022, iha ha’u-nia mandatu hosi nasionál husu atu instala prepagu iha Covalima. Ha’u haruka pedidu hodi husu kontadór 5,500, to’o agora fulan-janeiru 2023 ami instala ona prepagu 5,280 ba kliénte sira iha munisípiu Covalima,” Alexandre Seran hateten ba Agência Tatoli, iha Bairru Costa, sesta ne’e
Tékniku EDTL, E.P instala prepagu ba kliénte sira ho katégoria sira hanesan kategória domestika hamutuk 11,017, sosiál 95, komersiál 78 no Governu 226 kobre ona iha postu administrativu sira hamutuk 11,416.
Instalasaun prepagu iha postu administrativu Suai, suku Beco hamutuk 959 ho katégoria doméstika 930, sosiál sia (9), komersiál neen (6), Governu 14, no iha postu administrativu Suai vila ne’e EDTL, E.P instala prepagu hamutuk 4.797 ho katégoria domestika 4.647, sosiál 29, komersiál 53 no Governu 68.
Iha postu administrativu Zumalai, iha suku Raimea hamutuk 1.140 ho katégoria doméstika 1.121, sosiál haat (4), komersiál haat (4), Governu 11 no iha Zumalai vila hamutuk 1.489 ho katégoria doméstika 1.460, sosiál hitu (7), komersiál haat (4) no Governu 18.
T’ekniku EDTL, E.P Covalima isntala prepagu iha postu administrative Tilomar hamtuk 1.686 ho katégoria doméstika 1.615, sosiál 25, komersiál tolu (3), Governu 43.
Iha postu administrativu Fohorem ne’e, tékniku instala prepagu hamutuk 306 ho katégoria doméstika 281, sosiál sia (9), komersiál rua (2) Governu 14.
Iha postu administrativu Fatumea hamutuk 387 ho katégoria doméstika 357, sosiál rua (2) Komersiál tolu (3) no Governu iha 25.
Postu administrativu Maucatar ne’e tékniku EDTL, EP instala prepagu hamutuk 356 ho katégoria doméstika 332, sosiál ualu (8), komersiál tolu (3) no Governu 13.
Iha postu administrativu Fatululik hamutuk 296 ho katégoria doméstika 274, sosiál rua (2) komesiál laiha, no governu hamutuk 20.
Alende instalasaun prepagu foun, tékniku EDTL, E.P Covalima mós troka kontadór sira-ne’ebé ho kondisaun aat ne’e hamutuk 13 no halo ligasaun foun hamutuk 31, ho nune’e prepagu iha armajen EDTL, E.P Covalima hamutuk 220.
Jornalista : Celestina Teles
Editór : Cancio Ximenes
