Komunidade aldeia haat iha Belekasak seidauk asesu eletrisidade
COVALIMA, 27 fevereiru 2023 (TATOLI)–Xefe Suku Belekasak, postu administrativu Maucatar, munisípiu Covalima, Leonito Gusmão, hateten komunidade aldeia haat iha suku Belekasakseidauk asesu liña eletrisidade no daudaun ne’e sira uza de’it solár panel.
Nia hatutan, iha suku Belekasak ne’e iha aldeia hitu maibé maibé aldeia haat (4) mak seidauk asesu liña eletrisidade mak aldeia Duut, Ila Gazolo, Busodao ni aldeia ida seluk, maibé Dais, Loloba no Lolowa ne’e asesu ona eletrisidade. seidauk asesu eletrisidade.
“Ha’u-nia suku Belekasak iha aldeia hitu, aldeia tolu mak asesu ona eletrisidade no aldeia haat mak seidauk asesu, nune’e sira uza de’it lampu tradisionál no balun uza solár panel mós aat ona,” Leonito Gusmão hateten ba Agência Tatoli, iha resintu AMC, segunda ne’e.
Kona-ba eletrisidade, nia dehan, iha tinan kotuk kompañia lokál halo ona konkursu no sira agora instala hela ai-riin iha aldeia, Busadao, Duut, hala’o hela servisu maibé problema uitoan tanba sira-nia koordenasaun ho autoridade lokál ladún di’ak no servisu ladún la’o.
“Ha’u ba haree, husu tékniku kompañia ladun prepara kondisaun, ekipamentu ne’ebé iha entaun servisu la’o paradu hela. Tanba fallansu ekonómia, servisu ladún la’o, rekursu kompañia ne’ebé hetan fiar kompañua Futuru Mane Mesak,” nia informa.
Kompañia Futuru Mane Mesak hahú hala’o servisu iha fulan-outubru tinan 2022, to’o agora halo ona fulan lima maibé progresu servisu ladún la’o.
Komunidade suku Belecasak, hahú hosi okupasaun Japaun nia tempu to’o okupasaun Indonézia durante tinan 24 nia laran ne’e, komunidade uza de’it lampu tradisionál maibé agora aldeia haat uza ona solár panel ne’ebé uza ladún di’ak ona ho totál populasaun 3579 no xefe família 818.
Jornalista : Celestina Teles
Editór : Cancio Ximenes
