Top

CNE sei halo lansamentu ba edukasaun sívika iha aban

Prezidente Repúblika, José Ramos-Horta, partisipa iha programa "Simposium Nasionál Hametin Demokrasia, Páz no Estabilidade iha Konstrusaun Estadu", iha Salaun CNE, tersa (28/02). Imajen Tatoli/Egas Cristóvão

DILI, 28 fevereiru 2023 (TATOLI)–Prezidente Komisaun Nasionál Eleisaun (CNE), José Agostinho Belo, hateten CNE sei halo lansamentu ba eduksaun sívika ba territóriu nasionál iha kuarta (02 marsu 2023).

Notísia Relevante: Prezidente Repúblika dekreta loron eleisaun Parlamentár iha 21 maiu

“Aban sei halo lansamentu importante ba iha territóriu nasionál, hanesan mós iha eksteriór tanba ne’e mak komisáriu sira agora destaka iha Portugál, Korea do Sul, Englatera, Austrália, ita halo edukasaun sívika,” nia hateten iha simpóziu nasionál “Hametin Demokrásia, Pás, no Estabilidade iha konstrusaun Estadu”, iha salaun Laline Larigutu, Colmera, tersa ne’e.

Maibé, nia hateten, edukasaun sívika ba partidu polítiku sira presiza kontribui hosi lideransa nasionál sira.

“No edukasaun ne’ebé ita halo liubá ne’e husu lideransa nasionál sira mós fó edukasaun sívika ba partidu polítika sira tanba ami laiha beran ka forsa atu fó ba líder partidu polítika sira,” nia dehan.

Atividade ida-ne’e importante tanba ne’e mak CNE eskolla teme “Hametin Demokrásia, Pás, no Estabilidade iha konstrusaun Estadu”.

“Tanba buat hotu laiha estabilidade mak ita sei lahalo buat furak ba ita-nia rain. Nune’e demokrasia maihosi prosesu ida, maibé na’in ba demokrasia ne’e maihosi partidu ne’e rasik. Tanba ne’e mak partidu polítika sira mós tenke halo reflesaun makaas ba kongresu ne’ebé la’o, eleisaun ne’ebé mosu no kompromisu ba mehi ne’ebé iha mak demokrasia ne’e, tanba ne’e presiza kontribui no halo reflesaun,” nia dehan.

Notísia Relevante: Partidu 24 sei konkorre iha eleisaun parlamentár 2023

Jornalista : Osória Marques

Editór       : Cancio Ximenes

Publisidade

Leave a Reply

Latest Post

error: Content is protected !!