COVALIMA, 28 fevereirrur 2023 (TATOLI)–Servisu Edukasaun Munis’ipiu Covalima iuhosi Departamentu parke eskolár sei prosesa dokumentu ba benefisiáriu asesu bolsa méritu husi Ministériu Edukasaun Juventude no Desportu (MEJD).
Notíssia Relevante: Prosesu bolsa méritu tarde, millaun $7,2 sei hatama ba kofre Estadu
“Dadaun ne’e ami sei prosesa benefisiáriu 985 sira-nia dokumentu atu asesu bolsa méritu hosi Ministériu Edukasaun Juventude no Desportu (MEJD), tanba trata konta bankaria halo fallansu no pagamentu tarde,” Xefe Departamentu Parke Eskolár Edukasuan Covalima, Manuel França informa, ba Agênciia Tatoli, iha nia kna’ar fatin, Santa Rosa, tersa ne’e.
Benefisiáriu ne’ebé asesu bolsa méritu hoosi MEJD iha Covalima hamutuk 985 hosi totál eskola 211, ne’ebé kompostu hosi ensinu báziku no sekundáriu jerál iha munisípiu Covalima sai benefisiáriu bolsa méritu ho totál orsamentu $548,150.00 hosi Ministériu Edukasaun Juventude no Desportu (MEJD).
Bazea ba dadus benefisiáriu ne’ebé asesu bolsa méritu hanesan estudante Eskola Bázika Central (EBC) terseiru siklu nuno ano hamutuk 74 hosi númeru entrega ona konta bankaria 66,22% ekivalente na’in-49 no ida-ne’ebé mak seidauk entrega 33,78% ho númeru 25
Eskola Bázika Central (EBC) kuartu ano hamutuk 416, hosi númeru ne’e benefisiáriu 66,11% ekivalente ho númeru 275 mak entrega ona konta bankaria no ida-ne’ebé seidauk entrega 33,89 % ekivalente númeru 141
Benefisiáriu hosi sestu ano ne\ebé asesu bolsa méritu hamutuk 387 ne’ebé entrega ona konta bankaria 69,51% ekivalente ho númeru 269, ida-ne’ebé seidauk entrega konta bankaria 30,49% ekivalente ho númeru 118.
Benefisiáriu ensinu sekundáriu jerál desimu primeiru ano hamutuk 15 ne’ebé entrega hotu ona konta bankaria,
Husi eskola Tékniku Vokasionál desimu primeiru ano na’in-25, hosi númeru ne’e entrega ona konta bankaria 66% na’in-19 mak seidauk entrega konta bankaria 24% ne’ebé ekivalente ho númeru ne’e na’in-neen (5).
Ensinu sekundáriu jerál désimu segundu ano ne’e na’in sia-(9) entrega hotu ona konta bankaria, ESTV désimu segundu ano 6,67% ekivalente númeru 15 mak seidauk entrega konta bankária na’in-ida (1) .
“Prosesu atu asesu bolsa méritu bainhira dokumentu la kompletu ne’e problema boot hanesan inan-aman laiha sertidaun batizmu, billete identidade entaun ami halo kolaborasaun fasilita sira hasai deklarasaun iha edukasaun fó enkaregadu ruma nia maun no tiun sira trata deklarasaun,” nia dehan.
Tuir loloos, pagamentu hahú iha loron 25 fulan-janeiru ne’e, tanba falla iha dokumentu hanesan konta bankaria, entaun edukasaun Covalima haruka benefisiáriu ne’ebé entrega ona konta bankária, sira balun bele simu ona no ba sira seluk sei hein prosesu.
Jornalista : Celestina Teles
Editór : Cancio Ximenes
