PR Horta husu Governu foun presiza fó prioridade ba ekonómia rai-laran

DILI, 28 fevereiru 2023 (TATOLI)—Prezidente Repúblika, José Ramos Horta, hateten Governu foun presiza tau prioridade ba ekonómia rai-laran tanba ekonómia sai fallansu boot no ho problema oioin.
Liuhosi Xefe Estadu, Jose Ramos Horta, nia aprezebtasaun ne’e nia parte nhusu Governu foun mai tau prioridade ba iha setór ekonómia no redúss viajen ba rai-li’ur.
Horta hatutan, membru Governu presiza konsentra ba ida-idak nia serbisu, nune’e bele ezekuta programa lubuk ida-ne’ebé Governu iha.
“Governu mai tenke konsentra ba ekonómia tuur iha rai-laran, tanba ohin loron mundu modernu bele liuhusi online. Ema sira iha li’ur mós bele ko’alia liuhosi zoom duke ba iha ne’ebá, sira mós la presiza mai Timor-Leste,” nia hateten.
Nune’e Xefe Esatdu husu atu labele dezenvolve konferénsia demais iha rai-liur maibé tau prioridade ba iha ekonómia rai-laran, nune’e bele dezenvolve iha país ne’e.
“Se ekonómia la la’o ita sei la hasai obstaklu hosi dezempregu, tanba ne’e Governu povu fó fiar atu ukun iha tinan 2023 presiza tau prioridade ba setór ekonómia,” nia dehan.
Iha simpóziu ne’e, Jurista Avelino Coelho hateten, aseita ho opinaun husi Prezidente Repúblika, José Ramos Horta, kona-ba tau prioridade ba iha ekonómia rai-laran, nune’e bele hamenus dezempregu no ki’ak iha rai-laran.
“Ha’u hanoin Prezidente Repúblika preokupa ho ekonómia, tanba saida mak ita-nia rai ida riku ho rekursu mina-rai maibé la dezenvolve, partidu sira ukun laiha senseblizasaun atu dezenvolve ekonómia iha ita-nia rain,” nia hateten.
Entretantu Akademista Camilo Ximenes hateten, labele haluha dezenvolve ekonómia tanba partidu ne’ebé kompete iha eleisaun parlamentar sira iha ona kapasidade, nu’udar partidu polítiku atu eleva dezenvolvimentu ekonómiko ba povu ida-ne’e iha futuru ka lae.
Jornalista : Osoria Marques
Editór : Cancio Xiemnes

