DILI,01 marsu 2023 (TATOLI) – Diretora Jerál Prestasaun Saúde iha Ministériu Saúde, Odete da Silva Viegas, hateten Munisípiu Díli no Liquiça mak vasina imunzasaun ba labarik sira ho idade tinan lima mai kraik seidauk atinje 100%.
”Kampaña nasionál integradu vasina imunizasaun ba ita-nia oan sira tinan lima mai kraik hahú iha loron 12 fulan janeiru to’o loron 28 fevereiru ita konklui ona durasaun kampaña, maibé ita haree ba implementasaun kuaze munisípiu hotu atinje ona 100% maibé so Munisípiu Dili no Liquiça mak seidauk”, Odete da Silva Viegas, informa ba jornalista sira iha salaun Delta Nova, ohin.
“Agora iha nivél nasionál ita konsegue atinje 94%, entaun hela persentajen ida ka rua mak atu kompleta ita nia kampaña vasinasaun tanba ne’e ita boot sira hein hafoin fó sai rezultadu kampaña nasionál nian iha tempu badak”, nia esplika.
Nia informa, Dili iha populasaun ne’ebé mak barak no ema ne’ebé mak ho kondisaun la hanesan, entaun difisíl oituan bainhira profisionál saúde sira to’o iha uma, dalabark sira la iha fatin tanba sira ba servisu ho ida ne’e mak MS prolonga loron ida ka rua atu kompleta.
Diretór Nasionál Saúde na Família Vitór Martins, hateten kampaña nasionál imunizasaun iha munisípiu Dili mak sei menus hanesan ba vasina OPV ne’ebé alvu hamutuk 54,076 husi númeru ne’e labarik ne’ebé mak simu ona hamutuk 37,283 ka 68.9%, vasina PCV alvu ba labarik hamutuk 52,105, husi ne’e labarik ne’ebé mak simu ona hamutuk 35,752 ka 68,6%, sarampu no rubella alvu ne’ebé mak iha hamutuk 46,401, husi ne’e labarik ne’ebé mak simu ona hamutuk 29,896 ka 64,4%, Vitamina A alvu ne’ebé mak iha hamutuk 48,850, husi ne’e labarik sira ne’ebé simu ona hamutuk 31,523 ka 64,5% no aimoruk albendazole ne’ebé alvu ba labarik hamutuk44,189, husi ne’e labarik sira ne’ebé mak simu ona hamutuk 28,022 ka 63,4%.
Munisípiu Liquiça kampaña imunizasaun ba vasina OPV alvu ba labarik sira ne’ebé mak iha hamutuk 10,620, husi ne’e labarik ne’ebé mak simu ona hamtuuk 9,677 ka 91,1%, vasina PCV alvu ne’ebé mak iha hamutuk 10,352 husi ne’e 9,336 ka 90,2% sarampo rubella alvu ba labarik hamutuk 8,075 ka 89,5%, Vitamina A alvu ba labarik hamutuk 9,545, husi ne’e labarik ne’ebé mak simu ona 8,497 ka 89,0% no albendazole alvu ne’ebé mak iha hamutuk 8,500, husi ne’e 7,581 ka 89,2%.
Ba munisípiu sira seluk hanesan Aileu, kampaña imunizasaun ba labarik tinan lima mai kraik vasina OPV atinje ona 111,3%, husi vasina PCV atinje ona 111,2%, sarampu no rubella 108,7%, Vitamina A atinje ona 103,3% no albendazole 107,7%.
Munsipiu Ainaro ba avsina OPV 97,7%, PCV 97,7% , sarampu rubella 96,9%, Vitamina A 96,5% no Albendazole97,5%. Munisípiu Atauro vasina OPV 96,4%,PCV 1,95,1%, sarampu rubella 93,9% ,Vitamina 88,3% no albendazole 98,2%.
Baucau vasina OPV atinje ona 113,1% ,PCV 111,7%, sarampu rubella 104,8% ,Vitamina A 113,7% no Albendazole 109,5%. Bobonaro OPV 116,8% ,PCV116,1%, sarampu no rubella 114,2% ,Vitamina A 113,5%, no albendazole 114,3%.Covalima OPV 103,2% ,PCV 103,0%, Sarampu no rubella 100,0%, Vitamina A 99,3% no albendazone 102,4%.
Munisípiu Ermera vasina OPV atinje ona 111,2%, PCV 113,0%, Sarampu no rubella 105,4%, Vitamina A 106,6% no albendazone 107,1%.Lautem vasina OPV 110,0%, PCV 109,7% ,sarampu rubella1 03,2%, Vitamina A 104,3% no albendazole 102,8%.
Manatutu vasina OPV atinje105,1% ,PCV103,2%, sarampu rubella 103,2%, Vitamina A 102,8% no albendazole 103,8%. Manufahi vasina OPV 97,7% PCV98,0%, sarampu rubella 100,3%, Vitamina A 98,0% albendazole 100,1%.Viqueque OPV 103,4% ,PCV 98,0%, Sarampu rubella104,2%, Vitamina A 102,2% o albendazone 103,9%.
RAEOA vasina OPV atinje ona 108,7% ,PCV106,8% ,sarampu rubella 104,6%, Vitamian A 106,6% no albenadazone 106,1%.
Jornalista : Felicidade Ximenes
Editór : Zezito Silva