DILI, 01 fevereiru, 2023 (TATOLI)–Prezidente Autoridade Munisípiu Dili, Guilhermina Filomena Saldanha Ribeiro, hateten funsionáriu Autoridade Munisipál Dili atende hela formasaun lian portugés, hanesan parte hosi akordu ne’ebé asina ona iha outubru tinan kotuk entre Timor-Leste no Portugál liuhosi Asosiasaun da União das Cidades Capitais da Língua Portuguesa (UCCLA).
“Iha tinan 2022, ami hahú formasaun ho grupu rua iha nível báziku ba funsionáriu na’in-60. Tinan ida-ne’e, ami forma grupu haat ba ema na’in-80,” Prezidente Autoridade Munisípiu Dili, Guilhermina Saldanha, hateten ba Agência Tatoli, iha Dili, kuarta ne’e.
Nia hatutan, projetu ida-ne’ebé ninia formatu finál diskute ona iha fulan-novembru liubá, ne’ebé favorese formasaun ba feto timoroan sira, no autoridade Dili haruka ona ofisiál na’in-neen ba Portugál iha semana kotuk atu bele tuir formasaun durante fulan ida.
“Formasaun kona-ba atendimentu kliente no asuntu espesífiku kona-ba planeamentu urbanu. Kona-ba ida-ne’e, halo ona akordu ho UCCLA, ne’e prevee ona mós formasaun kona-ba emprendedorizmu, jardín no sira seluk tan,” nia hateten.
Ko’alia kona-ba nesesidade ne’e, nia dehan, durante termu akordu nian, atu investe iha formasaun formadór sira nian no ba feto priviléjiu sira.
“Ita presiza sinál grupu feto Timor-Leste nian nu’udar estajiária” nia hateten.
Projetu ne’e ho nia valór millaun $3,2 ba tinan tolu nian.
Jornalista : Osória Marques
Editór : Cancio Ximenes
