NASIONÁL, EKONOMIA, HEADLINE, POLÍTIKA

Ministru Turizmu aprezenta opsaun polítika-lejizlativa rua iha Konsellu Ministru

Ministru Turizmu aprezenta opsaun polítika-lejizlativa rua iha Konsellu Ministru

Ministru Turizmu Komérsiu no Indústria, José Lucas do Carmo da Silva. Imajen Tatoli/Francisco Sony

DILI, 01 marsu 2023 (TATOLI) – Ministru Turizmu, Komérsiu no Indústria, José Lucas do Carmo da Silva, aprezenta opsaun sira polítika-lejizlativa rua ne’ebé sai hanesan baze ba inisiativa hodi kria Lei Baze ida ba Atividade Turístika no Subjasente ba inisiativa kriasaun Autoridade Turizmu ida ba Timor-Leste.

“Objetivu husi inisiativa ba kriasaun Lei Baze ida ba Atividade Turístika mak atu estabelese sistema turizmu, iha oferta no prokura, ho definisaun baze organizasaun, monitorizasaun, fiskalizasaun, promosaun no fomentu ba atividade turístika sira”, Ministru Prezidénsia Konsellu Ministru, Fidélis Magalhães, dehan iha Palásiu Governu, kuarta ne’e.

Nia hatutan, lei baze ida-ne’e sei aplika ba atividade turístika husi setór públiku no privadu, turista rai-laran no internasionál sira, ba rezidente, prestadór serbisu no fornesedór produtu no serbisu turístiku sira, nune’e mós ajente turizmu sira seluk.

Autoridade Turizmu Timor-Leste, ne’ebé kontrola husi membru Governu ne’ebé iha tutela ba turizmu, sei sai responsavel ba implementasaun husi polítika no planu estratéjiku turizmu nian, ho objetivu atu promove, kapasita, koordena, akompaña no dezenvolve setór privadu no públiku, hodi kontribui ba promosaun no fortalesimentu turizmu no ba dezenvolvimentu ekonómiku país nian.

Jornalista: Antónia Gusmão

Editora: Maria Auxiliadora

iklan
iklan

Leave a Reply

iklan
error: Content is protected !!