iklan

EKONOMIA, BAUCAU, HEADLINE, MANATUTO, POLÍTIKA

Reabilitasaun estrada ligasaun Manatuto to’o Baucau ho valór millaun $2,8

Reabilitasaun estrada ligasaun Manatuto to’o Baucau ho valór millaun $2,8

Ministru Obra Públika, Abel Pires da Silva. Imajen Tatoli /Egas Cristovão

DILI, 01 marsu 2023 (TATOLI) – Ministru Obra Públika (MOP), Abel Pires da Silva, aprezenta propostu ida iha reuniaun Konsellu Ministru kona-ba reabilitasaun projetu estrada ligasaun munisípiu Manatuto to’o Baucau.

Projetu estrada ne’e ho Pakote A01-02, kona-ba Projetu Reabilitasaun Estrada Nasionál númeru 1, hodi estende prazu ne’ebé estimadu entrega obra ba loron 200 konta husi loron efetividade kontratu nian, ho aumentu kustu kontratuál ho valór millaun $2,8.

“Tuir projetu ne’ebé aprezenta husi Ministru Obra Públika, delibera hodi aprova adenda ba kontratu públiku númeru ICB/021/MPWTC-2015, kona-ba empreitada ba reabilitasaun estrada Manatuto-Baucau”, Ministru Prezidénsia Konsellu Ministru, Fidélis Magalhães, afirma iha Palásiu Governu.

Lembra katak reabilitasaun trosu hosi Manatutu ba Baukau ho naruk kilómetru 57,702 halo husi empreza Shanghai Construction (Group) General Co., Ltd. husi Xina ho kustu totál ba obra hamutuk millaun $59,3.

Finansiamentu ba projetu reabilitasaun estrada ne’e mai husi Orsamentu Jerál Estadu no mós husi fundu ne’ebé Governu Timor-Leste empresta husi Governu Japaun liuhusi Ajénsia Japaun nian ba Kooperasaun Internasionál (JICA, sigla inglés).

Jornalista: Antónia Gusmão

Editora: Maria Auxiliadora

iklan
iklan

Leave a Reply

iklan
error: Content is protected !!