DILI, 06 marsu 2023 (TATOLI) – Embaixadór súl-koreanu, Shin Man Taek, husu ba Estadu Timor-Leste atu apoia Koreia nia kandidatura ba membru Konsellu Seguransa Organizasaun Nasaun Unida (ONU) nian.
“Hasoru malu ho Primeiru-Ministru hodi husu mós apoia ba Governu no Estadu Timor-Leste atu apoia Koreia ninia kandidatura ba iha membru lapermantente ba iha Konsellu Seguransa ONU”, Shin Man Taek afirma hafoin hasoru Xefe Governu, iha Palásiu Governu, segunda ne’e.
Tanba ne’e parte rua komprometidu atu mantein diskusaun regulár sobre asuntu ne’e. “Ein prinsípiu Primeiru-Ministru hatete katak Koreia no Timor-Leste iha relasaun ne’ebé di’ak, entaun sei esforsu oinsá atu apoia, maibé seidauk iha desizaun tanba sei diskute ho Ministériu Negósiu Estranjeiru molok foti desizaun”, nia esplika.
Eleisaun ba kandidatura nu’udar membru seguransa ONU ne’e sei hala’o iha fulan-outubru 2023.
Jornalista: Antónia Gusmão
Editora: Maria Auxiliadora
