NASIONÁL, POLÍTIKA

Armanda Berta: Feto uza teknólojia bele dezenvolve-an kondtribui ba dezenvolvimentu TL

Armanda Berta: Feto uza teknólojia bele dezenvolve-an kondtribui ba dezenvolvimentu TL

Ministra Solidariedade Sosiál no Inkluzaun, Armanda Berta dos Santos. Imajen Tatoli/Francisco Sony

DILI, 07 marsu 2023 (TATOLI)–Ministra Solidariedade Sosiál no Inkluzuan (MSSI), Armanda Berta dos Santos, husu ba feto sira presiza hatene oinsa atu uza vantajen teknólojia hodi bele kapasita no dezenvolve-an hodi bele kontribui ba dezenvolvimentu Timor-Leste nia future.

“Iha tempu globalizasaun ida-ne’e feto sira presiza hatene oinsá atu uza vantajen hosi teknólójia ba produtivu servisu ba nesesidade sira hodi bele kapasita no dezenvolve-an, nune’e bele kontribui ba dezenvolvimentu Timor-Leste nian iha futuru. Husu ba Governu tuir mai atu bele aumenta númeru feto ba pozisaun xave sira iha estrutura Governu ninian,” Governante ne’e hateten ba jornalista sira, bainhira partisipa loron Internasionál Feto ho tema “Inovasaun ba fututu ne’ebé iguál ba jéneru”, iha Otél Timor, tersa ne’e.

Maibé, nia dehan, presiza feto Timor-Leste (TL) presiza hamutuk hodi kombate desigualdade sosiál, nune’e bele firme no hakat ba oin.

“Feto Timor-Leste presiza hamutuk iha filleira ida hodi kombate ki’ak no disigualdade sosiál. Feto sira tenke berani no hatene buka solusaun estratéjiku hodi hakat ba oin ka lae, tanba loron ohin la hanesan ho loron aban, learning by doing,” nia dehan.

Tanba ne’e, MSSI hatutan katak presiza unidade hodi tau igualdade no inkluzaun hanesan pilár importante.

“Ha’u husu ba feto Timor-Leste tomak atu hatudu responsabilidade no dedikasaun, tanba feto mak ajente transformasaun ne’ebé feto labele servisu mesak-mesak, presiza unidade hodi tau igualdade no inkluzaun hanesan pilár importante atu atinje,” nia dehan.

Selebrasaun ida ne’e hanesan oportunidade ida atu halo refleksaun ba atinjimentu ne’ebé feto sira hetan iha mundu inklui Timor-Leste, nia mós fó énfaze ba feto Timor-Leste tomak katak nu’udar feto la sees hosi dezafiu sira.

Maibé, nia hateten, feto sira ninia kontribuisaun ba rai ida-ne’e hatudu ona progresu balun ho impaktu pozitivu ida-ne’ebé krusiál iha vida sosiál, kultura, polítika no ekonomia.

Jonalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!