PN parabeniza feto Timor-Leste no feto iha mundu
DILI, 07 marsu 2023 (TATOLI)—Prezidente Parlamentu Nasionál, Aniceto Longuinhos Guterres Lopes, fó parabéns ba ba feto Timor-Leste no feto iha iha mundu) ne’ebé iha loron 08 fulan-marsu sei komemora loron mundiál feto.
Notisia Relevante: Loron Mundiál Feto Valoriza Feto Nia Kontribuisaun ba Mudansa Sustentável
“Hosi meza hakarak hato’o votu parabéns ba feto no labarik feto sira iha Timor-Leste no iha mundu, ne’ebé sei selebra loron mundiál feto iha 08 marsu no labarik feto sira hotu partikulamente deputada no funsionária iha Parlamentu Nasionál no feto no labarik feto sira,” Prezidente Parlamentu Nasionál, Aniceto Longuinhos Guterres Lopes, hato’o liu hosi reuniaun plenária PN, tersa ne’e.
Nia hateten, feto forte, mundu forte no mundu ne’ebé pás no mundu ne’ebé hakmatek, ne’e mak presiza dezeja hodi parabeniza ba feto no labarik feto sira.
Deputada Fretilin, Helena Martins, no Deputada Frente Mudansa mós parabeniza ba feto tomak iha mundu no prinsipalmente ba feto no labarik feto iha Timor-Leste ne’ebé mak atu selebra loron mundiál feto.
Deputada CNRT, Maria Barreto, lori bankada CNRT hakarak hato’o parabéns ba feto Timor-Leste no feto mundu tomak ne’ebé mak iha loron kuarta aban (08/03) selebra loron mundiál.
“Espera katak, ho loron 08 marsu hanesan loron ida-ne’ebé mak feto sira luta hodi atinje pás no igualidade iha sira-nia moris loro-loron. Ba feto maluk sira hotu sai nafatin feto ne’ebé matenek no forsa, no inspira família, komunidade no mós nasaun ho mundu tomak. Dala ida tan ami bankada CNRT hato’o parabéns ba feto sira hotu tantu ferik, feto joven no mós labarik feto sira hotu iha Timor-Leste,” nia dehan.
International Women’s Day ka loron mundiál feto ne’e mundu selebra iha kada loron 8 marsu.
Loron mundialfeto hahú bainhira grupu feto sira halo asaun pasífiku iha 8 marsu 1909. Iha 1911, loron mundiál hahú selebra ho foku ba valór social, kultura, ekenomia no politika feto nian.
Loron mundial feto formalmente selebra sai hanesan loron mundiál feto ne’e hahú iha 1977, no Nasaun Unida deside sai hanesan selebrasaun mundiál kada tinan hodi luta ba feto nia direitu no luta ba pás mundiál.
Jornalista : Nelson de Sousa
Editór : Cancio Ximens
