Top

TDS lansa sala ba vítima menór sira iha Covalima

Juiz Administradór Tribunál Judisiál Primeira Instância Suai, José Maria de Araújo. Halo lansamentu ba sala ba vítima labarik menòr iha Tribunál Distritál Suai, tersa (07/-03). Imajen Tatoli/Celestina Teles.

COVALIMA, 07 marsu 2023 (TATOLI)–Juiz Administradór Tribunál Judisiál Primeira Instánsia Suai, José Maria de Araujo, tersa ne’e, halo lansamentu ba sala ka fattin ba vítima labarik menór sira iha Tribinál Distrita Suai (TDS).

“Serimonia ohin atu halo lansamentu sala vítima ba labarik menór, ne’ebé inisitiva mai hosi Juiz Administradór kolega juiz-sira, Sekretáriu Judisiál no seksaun ofisiál hotu iha tribunál distritál Suai. Ha’u  hakarak dehan estabelese sala ba vítima atu asegura ba vítima sira liu-liu labarik sira ho idade menór hanesan kazu abuzu seksuál no violasaun sira,” José Maria de Araujo hato’o ba jornalsita sira, hafoininaugura sala refere ho tesi fita, iha Tribunál Distritál Suai (TDS).

Razaun Juiz Administradór ho juis sira seluk hakarak estabelese sala atu ba vítima sira, tanba momentu kazu akontese labarik sira sofre no sente trauma no tauk bainhira mai hosi uma mahon, no laiha sala própriu atu asegura no proteje vítima hodi hadook vítima hosi trauma.

“Ha’u dehan katak primeiru sukorru dala barak vítima ba iha uma mahon hodi asegura sira-ne’ebé dook hosi autór. Aleinde asegura vítima iha uma mahon bainhira mai iha Tribunal Distrital Suai (TDS), sira tenke iha sala própriu ba sira atu asegura no projete vítima hodi hadook vitima hosi trauma,” nia dehan.

Lansamentu sala própriu ba vítima labarik menór sira-ne’e, foin lansa dahuluk iha Tribunál Distritál Suai (TDS) ne’ebé inisiativa mai hosi Juiz Administradór ho juis sira seluk, maibe tribunal sira seluk seidauk iha.

Maske laiha orsamentu própriu estabelese sala ba vítima ida-ne’e, maibé inisiativa mai hosi Juiz Administradór ho juiz sira ofisiál halo konstribuisaun bele halo lansamentu sala ba vítima sira.

“Ohin ita bele halo lansamentu sala ba vítima maske ho simples, nune’e parseiru sira bele fó apoiu ba tribunal. Karik bele tribunál sira seluk iha orsamentu própriu hodi lansa tan sala ba vítima sira,” nia hateten.

Iha serimónia lansamentu ne’e, partisipa hosi Juiz administradór, juiz sira seluk, ofisiál justisa no funsionáriu apoiu ba Tribunál Distrital Suai (TDS).

Jornalista : Celestina Teles

Editór       : Cancio Ximenes

Publisidade

Leave a Reply

Latest Post

error: Content is protected !!