DILI, 08 marsu (TATOLI) – Diretór Nasionál Saúde Publika iha Ministériu Saúde Frederico Bosco, informa iha2022, labarik ho idade tinan lima mai kraik sofre má nutrisaun iha fasilidade saúde sira iha teritóriu nasionál hamutuk 2.478.
“Iha 2022 labarik ho idade tinan lima mai kraik hamutuk 2.478 mak hetan má nutrisaun no ita halo atendimentu iha fasilidade saúde iha teritóriu nasionál”, Frederico Bosco, dehan iha salaun MS, ohin.
Nia subliña, husi númeru 2.478 ne’e, labarik ne’ebé hetan má nutrisaun grave hamutuk 481 ka 1% no labarik ne’ebé má nutrisaun moderadu hamutuk 1.997 ka 4%.
“Kada fulan ita presiza tetu sira depois sukat sira-nia liman kabun atu bele define katak sira nia kresimentu tuir hela sira nia idade ne’ebé mak iha ka lae”, nia afirma.
Nia esplika, esfosru ne’ebé mak MS haree katak labarik sira ne’ebé mak sofre má nutrisaun moderadu no grave fó tratamentu ba sira to’o rekuperadu ho pursentu 85.
Jornalista : Felicidade Ximenes
Editór : Zezito Silva