Médiku espesialista Austrália konsulta labarik ibun sakat 51 iha HNGV
DILI, 10 marsu 2023 (TATOLI) – Diretór Klíniku iha Hospitál Nasionál Guido Valadares (HNGV), Marcelino Correia, hateten ekipa médiku espesialista operadór palstic Surgeon husi Austrália fó ona atendimentu ba labarik ibun sakat hamutuk 51 iha HNGV.
“Espesialista operadór plástiku husi Austrália hahú halo tratamentu ba labarik ibun sakat hamutuk 51. Iha semana kotuk halo screening no segunda loron 06 marsu kontinua halo operasaun no horsida remata, entaun sira mai ajuda ita-nia maluk sira ne’ebé mak iha oan ibun sakat sira”, Marcelino Correia, informa iha HNGV, ohin.
Nia esplika, husi prosesu operasaun ba labarik ibun sakat sira ne’e rezultadu di’ak, tanba HNGV halo kooperasaun ho sira atu kontinua nafatin fó atendimentu ba labarik ibun sakat sira iha Timor-Leste.
“Sira mai husi ne’eba, sira iha operadór ibun sakat nian nai’n ida, enfermeira anestesia ida no enfermeiru sala operasaun na’in ida, inklui ita-nia médiku sirurjiaun ne’ebé durante fó tratmentu ba labarik ibun sakat sira”, nia afirma.
Nia esplika, husi konsluta ba labarik na’in rua mak la konsegue tanba sira iha moras isin manas no mear.
“Iha labaraik na’in rua mak la konsege halo atendimentu tanba sira iha moras hanesan isin manas no ida seluk mear inus been, maibé tempu badak espesialista Austrália sei mai fila fali hodi fó konsluta tanba sira nia tempu iha ne’e loron lima, entaun ohin loron ikus aban sira fila fali ona ba Austrália”, nia konklui.
Médiku espesialista operadór plástiku husi Austrália halo operasaun ba ibun sakat, ibun laran sakat, ahi han, be manas luhas no liman ain belit malu.
Jornalista : Felicidade Ximenes
Editór : Zezito Silva
