Profisionál saúde na’in-ualu tuir formasaun onkolojia iha Indonézia mai TL
DILI,10 marsu 2023 (TATOLI) – Diretór Klíniku iha Hospitál Nasionál Guido Valadares (HNGV), Marcelino Correia, dehan profisionál saúde na’in-ualu ne’ebé ba tuir formasaun iha Hospitál Siloam Jakarta fila ona mai Timor-Leste iha fevereiru.
“Ita nia profisionál saúde ne’ebé mak iha fulan janeiru haruka ba Indonézia tuir formasaun kona-ba tratamentu ba pasiente moras kankru nian, fila ona mai ita-nia rain iha fulan fevereiru”, Marcelino Correia dehan iha HNGV, ohin.
Nia dehan, profisionál saúde ne’ebé mak ba tuir formasaun ne’e aprende liu kona-ba kahur aimoruk no atu halo kemoterapia ba moras kankru sira ne’ebé iha.
“Durante ita-nia profisionál saúde na’in-ulau mak tuir formasaun iha Hospitál Siloam Jakarta Indonézia, entaun sira ne’e agora hein reabilitasaun sentru onkolojia ne’e hotu, ita bele halo ona atendimentu iha ne’e”, nia informa.
Nia revela, ho planu ida ne’e bele minimza transferénsia moras kankru ba rai-liur tanba Governu gasta osan lubuk, entaun ho ida ne’e bele halo tratamentu iha rai-laran.
Entertantu, profsionál saúde na’in-ualu ne’e husi farmasista na’in-tolu, enfermeiru na’in-tolu no onkolojia na’in-rua.
Notísia relevante : http://Profisionál Saúde na’in-ualu tuir formasaun onkolojia iha Ospitál Siloman Jakarta
Jornalista : Felicidade Ximenes
Editór : Zezito Silva
