iklan

BAUCAU, ELEISAUN, HEADLINE, MUNISÍPIU

Ofisiál supervizaun 182 tuir formasaun iha CNE Baucau

Ofisiál supervizaun 182 tuir formasaun iha CNE Baucau

Diretór CNE munisípiu Baucau, Esmeraldo Damião Belo. Imajen Agência TATOLI/Natalino Belo.

BAUCAU, 13 marsu 2023 (TATOLI) – Ofisiál supervizaun hamutuk na’in-182 segunda ne’e, tuir formasaun iha Komisaun Nasionál Eleitorál (CNE, sigla portugés) munisípiu Baucau nian.

Diretór CNE Baucau, Esmeraldo Damião Belo, esplika, formasaun refere hala’o durante loron tolu ne’ebé sei remata iha loron kuarta semana-ne’e.

“Formasaun ne’e hanesan bukae ba sira no bainhira iha kampaña eleitorál mosu problema ruma,” Diretór CNE Munisípiu Baucau hateten iha Vila Nova, segunda ne’e.

Matéria importante hosi formasaun refere hanesan órgaun admistrasaun eleitorál, sistema eleisaun no krime eleitorál, kampaña eleitorál, abertura sentru votasaun inklui kontajen iha sentru votasaun.

Hafoin remata formasaun ofisiál supervizaun hirak-ne’e sei destaka ba terrenu hodi observa kona-ba prosesu kampaña eleitóral antes desloka ba sentru votasaun iha loron eleisaun.

Hosi totál ofisiál supervizaun refere, na’in-rua mak rezerva hodi antesipa ba pesoál supervizaun balun hetan moras no sei hein mundansa ruma bainhira Sekretariadu Tékniku Administrasaun Eleitorál (STAE) iha mudansa ba sentru votasaun.

Jornalista   : Natalino Belo 

Editór          : Evaristo Soares Martins

iklan
iklan

Leave a Reply

iklan
error: Content is protected !!