NASIONÁL, EKONOMIA, HEADLINE, POLÍTIKA

Dekretu-lei Fitosanidade no Kuarentena atu proteje ai-horis

Dekretu-lei Fitosanidade no Kuarentena atu proteje ai-horis

Vise-Primeira Ministra no Ministra Solidariedade Sosiál no Inkluzaun, Armanda Berta dos Santos, lidera reuniaun Konsellu Ministru, iha Palásiu Governu, kuarta (15/03). Imajen Tatoli/Francisco Sony

DILI, 15 marsu 2023 (TATOLI) – Ezekutivu sira aprova projetu dekretu-lei, ne’ebé aprezenta husi Ministru Agrikultura no Peska (MAP), Pedro dos Reis, kona-ba Fitosanidade no Kuarentena.

“Projetu Dekretu-Lei kona-ba Fitosanidade no Kuarentena ninia objetivu prinsipál sira mak atu proteje planta [ai-horis] no produtu sira ne’ebé ho orijen vejetál husi praga [kuit] no moras ne’ebé bele fó ameasa ba rekursu sira ne’e ka ba ekonomia, no ne’ebé bele hetan impaktu negativu iha seguransa ai-han, iha área agríkola ka iha meiu ambiente”, Ministru Prezidénsia Konsellu Ministru, Fidélis Magalhães, esplika iha Palásiu Governu, kuarta ne’e.

Aleinde ne’e mós atu fornese enkuadramentu klaru, efisiente no propísiu ba atividade sira komérsiu no negósiu nian sira, kapasita ba funsionáriu públiku sira no fasilita atividade sira setór privadu nian.

“Projetu dekretu-lei ne’e atu estabelese no aliserse jirídiku ba importasaun no esportasaun ba ai-horis sira, produtu ho orijen vejetál no artigu sira-seluk ne’ebé regula ona, estabelese enkuadramentu ida ba vijilánsia doméstika, define prosedimentu jerál ida hodi hatán ba detesaun ba praga nian sira ne’ebé regula ona no define enkuadramentu jerál ba medida fitosanitária sira”, nia salienta.

Prosede mós kriasaun enkuadramentu ida ne’ebé permite atu implementa dispozisaun, ho estabelesementu papél autoridade responsavel, ninia podér sira no meiu-sira husi ninia regra sira ne’ebé implementa ona.

“Enkuadramentu ne’ebé establese ona iha dekretu-lei ne’e sei dezenvolve liuhusi regulamentu sira, ne’ebé sei define prosediementu no detalle tékniku sira-seluk”, konklui.

Jornalista: Antónia Gusmão

Editora: Maria Auxiliadora

iklan
iklan

Leave a Reply

iklan
error: Content is protected !!