NASIONÁL, HEADLINE, POLÍTIKA

Dekretu-lei kriasaun INTL alteradu

Dekretu-lei kriasaun INTL alteradu

Ministru Prezidensia Konselu Ministru Fidelis Magslhaes.Imajen Tatoli/Antonio Daciparu

DILI, 15 marsu 2023 (TATOLI) – Dekretu-Lei númeru 1/2017, loron 15 fulan-marsu, ne’ebé kria Imprensa Nasionál Timor-Leste, Institutu Públiku (INTL, I.P) hetan ona alterasaun husi Governu, atravéz proposta ne’e aprezenta husi Ministru Prezidénsia Konsellu Ministru, Fidélis Magalhães.

“Ho projetu dekretu-lei ne’e atu dotár Imprensa Nasionál Timor-Leste hanesan modelu organizasionál adekuada ba realidade no nesesidade mutavel sira INTL nian, adopta modelu ida ne’ebé flexivel no dinámiku liu”, Fidélis Magalhães afirma iha Palásiu Governu.

Governante ne’e esplika katak lejizlasaun ida foin lalais ne’e kona-ba organizasaun administrasaun indereta Estadu nian halo atu hanoin filafali modelu organizasionál INTL atuál, atu adekua modelu prátika atuál ida ne’ebé di’ak.

Organizasaun interna INTL obedese ba modelu ierárkiku,  ne’ebé ninia regra prinsipál sira define ona iha diploma ne’e, maibé ninia konkretizasaun sei hala’o husi membru Governu tutela,  ne’ebé maka di’ak liu bele adota modelu organizasionál ho nesesidade reál sira no nafatin mutavel husi institutu públiku ida ne’e.

Iha diploma ne’e fó mós atribuisaun balun no atividade foun sira ba INTL, liuliu ho produsaun ba selu branku (karimbu mutin), liuhusi rejime esklizivu nian, ba uzu ofisiál administrasaun direta no indireta Estadu nian, hodi edita no imprime boletin sira votu no dokumentu sira identifikasaun no viajen  nian no dokumentu seguransa sira seluk, bainhira prevee iha lejizlasaun espesiál.

Jornalista: Antónia Gusmão

Editora: Maria Auxiliadora

iklan
iklan

Leave a Reply

iklan
error: Content is protected !!