iklan

HEADLINE, SAÚDE

MS husu PRADET servisu ho profisionál saúde tau matan ba ema vulnerável

MS husu PRADET servisu ho profisionál saúde tau matan ba ema vulnerável

Ministra Saúde, Odete Maria Freitas Belo. Imajen Tatoli/Francisco Sony

DILI, 15 marsu 2023 (TATOLI) – Ministériu Saúde (MS) husu ba Psychosocial Recovery and Divelopment For in East Timor (PRADET), atu nafatin servisu hamutuk ho profisionál saúde atu tau matan ba ema vunerável hodi fó atendimentu ba sira tanba haree ba númeru violénsia doméstika no abuzu sexuál  ne’ebé sei aas iha Timor-Leste.

“Ha’u husu ba PRADET atu servisu hamutuk ho profisionál saúde hodi haree ba númeru violénsia doméstika no abuzu sexuál ne’ebé sei aas iha ita-nia rain, liuliu ba labarik ka vitíma sira ne’ebé mak la seguru iha sira nia uma rasik, entaun provizóriu sira bele hela iha ne’e ho médiku parteira sira inklui ema funsionáriu PRADET sira ne’ebé mak atu bele akonsella ba sira nia moris”, Ministra Saúde Odete Maria Fritas Belo dehan ba jornalista sira iha Bairo Pite, ohin.

Nia informa, iha vitíma ba relasaun sexuál no violénsia doméstika sira, ida ne’e presiza PRADET nia tulun atu asegura.

“Kona-ba violasaun doméstika sira ne’e, ita nia pesoál saúde sira fó tratamentu ba sira inklui ho abuzu sexuál oinsá bele identifika sira nia problema”, nia subliña.

“Treinanamentu ba ita-nia profisionál saúde sira ne’e la’os husi MS maibé mai husi ita-nia parseiru PHD Australia oinsá atende ema ho violénsia doméstika no mós abuzu sexuál sira”, nia esplika.

Iha fatin hanesan, Ditetór Ezekutivu Organizasaun Noun Governamental PRADET, Manuel dos Santos, dehan durante ne’e servisu di’ak tebes ho profisionál saúde sira.

“Ami iha kooperasaun tékniku ho profisionál saúde sira iha área saúde mentál no iha área violénsia bazea ba jéneru, durante ne’e la’o efetivu tebes”, Manuel dos Santos konklui.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!