ELEISAUN, MUNISÍPIU, VIQUEQUE

CNE husu ofisiál supervizaun eleitorál Viqueque garante transparánsia iha ElPar

CNE husu ofisiál supervizaun eleitorál Viqueque garante transparánsia iha ElPar

Ekipa CNE Viqueque hahú fó formasaun ba ofisial supervizasaun eletoral munisipiu Viqueque. Imajen Tatoli/Vitorino Lopes da Costa

VIQUEQUE, 16 marsu 2023 (TATOLI)— Komisáriu Komisaun Nasionál Eleisaun (CNE-sigla portugés) destaku munisípiu Viqueque no Lautém, Olavio da Costa Monteiro, husu ba ofisiál supervizaun eleitorál iha Munisípiu Viqueque tenke garante transparánsia hosi fó susesu ba eleisaun parlamentár (ELPar) ne’ebé akontese iha loron 21 maiu 2023.

“Ha’u hakarak enkoraja ba ofisiál supervizaun eleitorál sira  tenke esforsu-an hodi garante ba prosesu no lori susesu ba eleisaun iha munisípiu Viqueque, la’o ho taransparante no livre. Presiza mós koloborasaun hamutuk ho ita-nia autoridade lokál no seguransa sira atu eleisaun ne’e bele la’o ho susesu no transparante”, hateten  Olavio  da Costa Monteiro, hateten liuhusi ninia diskursu ba abertura formasaun ba ofisial supervizasaun eletorál CNE, iha salaun Evakuasaun Protesaun Sivil, Beloi, kinta ne’e.

Komisáriu CNE destakdu ne’e hatutan, realizasaun eleisaun parlamentár 2023   sei hetan   observasaun internasionál husi organizasaun Comunidade Pais Lingua Postugés (CPLP), obsevadór husi organizasaun Asosiasaun Nasaun Sudéste Aziátiku (ASIA) no nasaun sira seluk ne’ebé Prezidente Repúblika maka sei fó konvite ba observadór sira hodi tau matan ba eventu demokrátiku.

“Tanba ne’e ita tenke halo ita-nia eleisaun ne’e, sai susesu tanba observadór internasionál sira-ne’e maka sei fó rekoñesementu ba ita kona-ba hala’o demokrásia iha Timor-Leste ne’ebé ita-nia Prezidente Repúblika ninia hanoin no mehi ida katak tenke atinje demokrásia hodi hatudu ba mundu”, nia afirma.

Atu atinje susesu iha eleisaun ne’e, nia dehan daudaun ne’e ekipa CNE fó formasaun ba ofisiál Supervizasaun sira iha munisípiu Viqueque ho objetivu atu hasa’e sira nia koñesimentu hodi asegura transparánsia iha eleisaun Parlamentár.

Iha fatin hanesan, Reprezentante administradór munisípiu Viqueque atuál Diretór apoiu sosiedade sivil munisípiu Viqueque, Cosme Sarmento, afirma ekipa ofisiál supervizaun eleitorál CNE nu’udar Viqueque-oan hodi fó  apoiu ba eleisaun parlamentár.

“Ho ida-ne’e, ha’u hakarak hateten liuhusi forsamasaun sira-ne’e bele fó vantajen ba ofisiál supervizaun sira, hodi prepara-an tanba ita-boot sira-nia serbisu todan. Imi maka sei halo supervizaun direta ba eleisaun parlamentár. Ita-boot sira maka sai hanesan pioñeiru ne’ebé sai importante ba eleisaun ida-ne’e atu la’o ho di’ak no susesu iha munisípiu Viqueque”, nia enkoraja.

Iha abertura formasaun ba  ofisial supervizasaun eleitorál CNE munisípiu Viqueque hetan partisipaun hosi Diretór CNE munisípiu Viqueque Honorio da Cruz, Xefe Departamentu CNE Viqueque  no reprezentante Komadante munisípiu Viqueque no ofisiÁl supervizaun na’in-137 no formasaun hahú kinta ne’e sei ramata sábadu.

Jornalista : Vitorino Lopes da Costa

Editór        : Florencio Miranda Ximenes

iklan
iklan

Leave a Reply

iklan
error: Content is protected !!