DEFEZA, HEADLINE

IDN fasilita kursu promosaun superiór ba membru PNTL no F-FDTL 19

IDN fasilita kursu promosaun superiór ba membru PNTL no F-FDTL 19

Diretór IDN, Comodoro Donaciano Costa Gomes “Pedro Klamar Fuik”. Imajen Tatoli/Francisco Sony

DILI, 17 marsu 2023 (TATOLI) – Institutu Defeza Nasionál (IDN) fasilita kursu promosaun superiór ba menbru FALINTIL-Forsa Defeza Timor-Leste no Polisia Nasionál Timor-Leste (PNTL) hamutuk 19.

Kursu Promosaun Superiór iha tinan ne’e ba dala VI, iha kursu ne’e ho durasaunn fulan sia, hahú iha marsu to’o dezembru 2023 iha academia Institutu Defeza Nasionál (IDN).

Membru F-FDTL no PNTL hamutuk 19, hosi membru F-FDTL kapitaun na’in-haat no Majór nain lima husi Kuartel Jenerál Fatuhada no husi PNTL ho diviza Inspetór Xefe PNTL nain-10 hosi Komandu Jerál PNTL.

Diretór IDN Komodoro Donaciano Costa Gomes “Pedro Klamar Fuik”, liuhosi komunikadu hateten formandu sira tenke aproveita oportunidade no asume responsabilidade.

Nia adianta, iha períodu kursu, auditór sira tenke iha komportamentu ne’ebé maka adekuadu, hodi hatudu empeñamentu, dedikasaun, sentidu, hanesan ofisiál ida tenke hatudu no kompete individualmente ne’ebé di’ak iha matéria hotu, ne’ebé maka sira sei aprende husi dosente sira.

“Ho nune’e maka ita bo’ot sira bele merese ba hetan méritu, iha finalidade kursu, hodi sai mós hanesan relatóriu ba ita bo’ot sira nia promosaun, tanba ita-nia pais ne’e, hakat ona ba faze tinan 21 ba dezenvolvimentu”, nia dehan.

Pedro Klamar Fuik,  hatutan dezenvolvimentu nia fatór ida maka modernizasaun, F-FDTL ho PNTL sira nia komportamentu ba moderniza, buat hotu ne’ebé iha institusaun, ejize ba sira, kódiku alunu IDN, buka kompriende atu hala’o tuir, bainhira finaliza husi kursu iha IDN nian.

“Ita bo’ot sira bele kontribui ba diversifikasaun institusionál ne’ebé ita bo’ot sira servi ba no sosiadade, tanba ne’e tuir dadus IDN nian iha durante ne’e, fasilita ona kursu hanesan ne’e iha faze dahuluk to’o kintu kursu ba Promosaun Ofisiál Superior, Instituto Defesa Nasional (IDN) gradua ofisiál husi PNTL ho F-FDTL hamutuk  132”, nia konklui.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!