iklan

HEADLINE, SAÚDE

MS rejista kazu dengue hamutuk 415 iha munisípiu hitu

MS rejista kazu dengue hamutuk 415 iha munisípiu hitu

Susuk aedes aegypti. Imajen Tatoli/Francisco Sony

DILI, 17 marsu 2023 (TATOLI) Diretór Nasionál Saúde Públika iha Ministériu Saúde, Frederico Bosco, dehan Ministériu Saúde rejista kazu dengue hamutuk 415 no óbitu tolu iha Munisípiu hitu, entre janeiru to’o marsu.

“Husi janeiru to’o horseik, kazu dengue ne’ebé ita rejista hamutuk 415, mai husi Munisípiu hitu  no mate iha tolu”, Frederico Bosco dehan ba TATOLI bainhira halo entrevista eskluziva.

Nia relata, kazu dengue ne’e afeta iha munisípiu hitu; Dili kazu dengue hamutuk 260, Baucau, 78, Bobonaro 13, Lautem 28, Liquiça 17, Manufahi rua no Viqueque 17.

Husi munisípiu hitu ne’e, kazu dengue barak liu iha Dili no Buacau ne’ebé afeta liubá labarik idade ho tinan lima mai kraik, maibé tratamentu nafatin la’o.

“Tratamentu ne’ebé ita fó tuir sira nia moras tanba aimoruk ba kazu dengue nia ita seidauk iha tanba ne’e ita fó vitamina ba sira atu sira fila ba deskansa barak no han aihan nutritivu hodi bele rekopera fila fali sira nia saúde”, nia informa.

Tanba ne’e, nia dehan kona-ba aimoruk malation no abate, Ministériu Saúde sufisiente hodi halo intervensaun ba kazu dengue iha teritóriu nasionál.

Jornalista : Felicidade Ximenes

Editór : Zezito Silva

 

iklan
iklan

Leave a Reply

iklan
error: Content is protected !!