EKONOMIA, BAUCAU, HEADLINE, MUNISÍPIU

Suku Fatulia hahú konstrusaun Uma Naroman ba Povu iha fulan abríl

Suku Fatulia hahú konstrusaun Uma Naroman ba Povu iha fulan abríl

Mapa Munisípiu Baucau. Imajem Infografia/ Octavio de J.Guterres

BAUCAU, 17 marsu 2023 (TATOLI) – Autoridade Suku Fatulia, munisipiu Baucau, hahú konstrusaun Uma Naroman ba Povu (UNP) faze daruak iha inisiu fulan-abríl.

Xefe suku Fatulia, Angelino Moisés Perreira, hateten daudaun ne’e iha prosesu verifikasaun lista ba kandidatu benefisiáriu hamutuk nain-sia no sei kontinua ba kontratu badaen inklui koutasaun ba emprezáriu distribusaun materiál fabrikanu.

“Ita planu iha fin fulan-marsu ita sei implementa ona Uma Naroman ba Povu iha suku Fatulia,munisipiu Baucau”, Xefe suku  ne’e informa ba Agência TATOLI iha vila-nova, sesta ne’e.

Prosesu selesaun dokumentu kandidatu benefisiáriu ho durasaun loron-sanulu bainhira hotu kontinua halo ona avaliasaun antes implementasaun UNP faze daruak iha suku refere.

Benefisiáriu sira maihosi aldeia haat hanesan Uatulia-ana, Uai-to-bono no Osouaque benefisiáriu nain-rua hamutuk neen no aldeia Bahadato benefisiáriu uma-kain tolu.

Benefisiáriu nain-sia maioria hosi feto faluk, defisiente no Oan kiak tuir matadalan UNP Programa Nasionál Dezenvolvementu Suku (PNDS).

“Programa ne’e benefisiu dereita ba povu tuir kondisaun povu iha baze”, Angelino Perreira akresenta.

Medida Hosi uma sira refere 48m² ho kada orsamentu rihun $ 17.000 hosi tótal orsamentu hamutuk $159.318 aloka ba kustu infraestrutura $153.306, kustu operasionál $ 6.012.

Suku Fatulia hamutuk aldeia haat kompostu Uatulia-ana, Uai-to-bono, Osouaque no Bahadato ho tótal populasaun hamutuk rihun 2.721 no uma-kain hamutuk 688.

Jornalista     : Natalino Belo 

Editór            : Florencio Miranda Ximenes 

iklan
iklan

Leave a Reply

iklan
error: Content is protected !!