NASIONÁL, EKONOMIA, HEADLINE

BRI selebra aniversáriu da-neen ho limpeza iha Cristo Rei

BRI selebra aniversáriu da-neen ho limpeza iha Cristo Rei

Funsionáriu BANK BRI hala'o limpeza jerál iha aréa dores Kristu Rey Dili, iha ambitu aniversáriu BANK BRI nian ba dala-VI nia ezistensia iha Timor-Leste, iha loron sábadu (18/03). Imajen Tatoli/Francisco Sony

DILI, 18 marsu 2023 (TATOLI)-Bank Rakyat Indonesia (BRI), selebra tinan ba dala-neen (14 marsu 2017-14 marsu 2023), durante ezisténsia iha Timor-Leste.

Jerente BRI, Ronald Roho, informa BRI realiza atividade ne’e hodi selebra aniversáriu BRI nian ba dala-neen ne’ebé liu ona iha loron 14 marsu 2023 maibé tanba loron ne’e nu’udar loron serbisu entaun deside iha loron sábadu hodi hala’o atividade sira hanesan limpeza, atribui prémiu ba família boot BRI nian ho objetivu hametin liután funsionáriu BRI nian.

Jeneral Manajer BRI Timor-Leste, Ronald Roho. Imajen Tatoli/Francisco Sony

“Maibé atividade importante ne’ebé ami halo maka halo limpeza iha área Cristo Rei, nu’udar área ne’ebé estratéjiku tebes ba vizitante sira”, Jerente BRI hateten iha Cristo Rei, sábadu ne’e.

Funsionariu BRI nian hosi Indonézia no Timor-Leste hamutuk 45, antes ne’e iha na’in 30.

“Iha tinan neen ne’e ami-nia negósiu la’o di’ak nune’e halo ami presiza aumenta funsionáriu, prioridade liu bá sidadaun Timor”, nia afirma.

Iha ámbitu aniversáriu ba dala-neen ne’e BRI hakarak hato’o agradese ba Governu no povu Timor-Leste, tanba bele simu ona BRI iha Timor, no hatudu ona katak, iha tinan neen BRI nia ezisténsia BRI kontinua ba oin, ho kliente aumenta.

Moto BRI nian ba oin mak ‘Kresimentu Sustetável’. “Ami espera katak ba pin sidadaun nafatin apoia ami, no ami prontu atu fó atendimentu ho di’ak ba públiku”, nia otimista.

BRI rejista ona kliente hamutuk 40.000, maioria Timoroan.

Customer Service BRI, Talia Sousa realsa, realiza limpeza ba iha área tasi Cristo Rei nian no área foho ne’e inisiativa hosi jerenti BRI nian, tanba iha loron 14 BRI halo tinan ba dala-neen.

“Hakarak husu públiku liliu Timoroan hotu atu hadomi ita-nia tasi hodi labele soe foer arbiru tanba aktu ida hadomi nasaun liuhosi hadomi tasi hodi kuidadu ita-nia ambienta”, nia rekomenda.

Jornalista : Antónia Gusmão

Editór        : Florencio Miranda Ximenes

iklan
iklan

Leave a Reply

iklan
error: Content is protected !!