INKLUZAUN SOSIÁL, MUNISÍPIU, VIQUEQUE

MAE kapasita pontu fokál iha Viqueque kona-ba igualidade jéneru no ema ho defisiénsia

MAE kapasita pontu fokál iha Viqueque kona-ba igualidade jéneru no ema ho defisiénsia

Ministériu Administrasaun Estatál (MAE) fó kapasitasaun ba pontu fokál sira iha munisípiu Viqueque. Imajen Tatoli/ Vitorino Lopes da Costa

VIQUEQUE, 21 marsu 2023 (TATOLI)-Ministériu Administrasaun Estatál (MAE), tersa ne’e, kapasita pontu fokál sira, atu garante igualidade jéneru, ema ho defisiénsia no inkluzasaun sosiál iha munisípiu Viqueque.

Formasaun ba pontu fokál ne’e durante loron haat, hahú tersa (21/03) to’o sesta (25/03), pontu fokál husi Diresaun Servisu Munisipál, Delegasaun Teritoriál Munisipál no Sosiedade sivil kada diresaun ida reprezenta ema na’in-rua, komposta mane ida no feto ida, nune’e totál pontu fokál hamutuk na’in-50.

Diretór Planeamentu no Avaliasaun iha MAE, Olavia Marques,informa  iha tinan 2022 dezenvolve-ona Planu Asaun Anuál Igualdade Jéneru, Ema ho Defisiénsia no Inkluzaun Sosiál (PAALDIS) 2022 to’o 2024 no hetan ona aprovasaun husi MAE.

“Formasaun ne’e, realiza tanba ita hatene katak Timor-Leste iha komitementu bo’ot implementa programa hirak ne’e atu la’o ho di’ak. Tanba ne’e, MAE realiza atividade formasaun ba ita-nia pontu fokál sira iha munisípiu Viqueque”, hateten Olavia Marques, hateten ba jornalista sira, iha salaun administrasuan munisípiu, tersa ne’e.

Molok, MAE estabelese pontu fokál iha munisípiu sira ho objetivu atu tulun administradór munisípiu sira tanba pontu fokál sira-nia papél maka halo advokasia liuba igualidade jéneru,ema ho defisiénsia no inkluzasaun sosiál.

Estabelesementu pontu fokál  iha Munisipiu Viqueque Iha tinan kotuk hodi indika planu prioridade ida mak fornese formasaun kona-ba polítika no enkuadramentu legal.

Formasaun ne’e, MAE kolabora ho institusaun Governu seluk no Sosiedade Sívil ne’ebé hanesan Sekretáriu Estadu Iqualidade jéneru no Inkluzaun Sosiál, Ministériu Solidaridade Sosiál no Inkluzaun, Komisaun Funsaun Públika, ADTL no CODIVA hodi fornese formasaun no sensibilizassun ba Pontu Fokál nivél munisipiu sira.

“Formasaun ne’e, ita atu habelar termonolójia ema ho defisiénsia sira hanesan defisiénsia matan, tilun no seluk tan. Atu ita labele halo diskrimisaun ba ita-nia maluk sira-ne’ebé ho kondisaun defisiénsia”, nia akresenta.

 Jornalista : Vitorino Lopes da Costa

Editór        :  Florencio Miranda Ximenes

iklan
iklan

Leave a Reply

iklan
error: Content is protected !!