iklan

NASIONÁL, EKONOMIA, HEADLINE, POLÍTIKA

Instituisaun tolu sei asina kontratu ba Progama Bee no Saneamentu no Eletrisidade

Instituisaun tolu sei asina kontratu ba Progama Bee no Saneamentu no Eletrisidade

Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (22/03). Imajen Tatoli/Francisco Sony

DILI, 22 marsu 2023 (TATOLI) – Ministériu Obra Públika (MOP) no Bee Timor-Leste (BTL, E.P) sei selebra kontratu subvensaun ho valór hamutuk millaun $18 no entre MOP no Eletrisidade Timor-Leste (EDTL, E.P) ho valór millaun $100.

Ba asinatura kontratu ne’e, Konsellu Ministru delibera ona projetu ne’ebé aprezenta husi Ministru Obra Públika (MOP), Abel Pires, hodi autoriza despeza ba transferénsia fundu Orsamentu Jerál Estadu (OJE) ba Programa ‘798 Bee no Saneamentu’ husi MOP ba BTL no ba Programa ‘802 Eletrisidade’ husi MOP ba EDTL.

Ministru Prezidénsia Konsellu Ministru, Fidélis Magalhães, informa objetivu husi transferénsia fundu sira ne’e nian mak atu  permite BTL no EDTL atu fó rekursu sira ne’ebé presiza hodi realiza no haluan bee no saneamentu, no fornesimentu enerjia  elétrika, liuliu ba territóriu nasionál tomak, servisu públiku esensiál sira ba produsaun no ekonomia país nian.

Jornalista: Antónia Gusmão

Editora: Maria Auxiliadora

iklan
iklan

Leave a Reply

iklan
error: Content is protected !!