Lia-na’in Oé-Cusse simu Prezidente Repúblika ho tradisaun kulturál
OÉ-CUSSE 24 marsu 2023 (TATOLI) – Prezidente Repúblika (PR), José Ramos Horta, sesta ne’e hala’o vizita ofisiál bá Rejiaun Administrativa Espesiál Oé-Cusse Ambeno (RAEOA).
Xefe Estadu ne’e to’o iha aeroportu internasionál Rota do Sândalo Oé-Cusse ho aviaun ZEESM, iha tuku 15:07, ne’ebé simu direita hosi Autoridade RAEOA lideradu Prezidente Autoridade, Arsénio Paixão Bano.
Hafoin to’o aeroportu Xefe Estadu deskansa hodi vizita aeroportu internasionál Rota do Sândalo, ne’ebé akompaña hosi Autoriddade RAEOA, lideradu Prezidente Autoridade, Arsénio Paixão Bano, akompaña Xefe Estadu kontinua ba otél Ambeno, hodi fó palestra ba entidade sira iha Oé-Cusse Ambeno.
Hafoin to’o, lia-na’in-sira simu Xefe Estadu ne’e ho tradisaun kulturál, hanesan tara selendang, lian dadolin, no bidu tradisionál.
Jornalista: Abílio Elo Nini
Editor: Evaristo Soares Martins
