iklan

EKONOMIA, HEADLINE, POLÍTIKA

Alterasaun Rejime Espesiál Aprovizionamentu RAEOA atu aumenta efisiénsia administrativa

Alterasaun Rejime Espesiál Aprovizionamentu RAEOA atu aumenta efisiénsia administrativa

Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (29/03). Imajen Tatoli/Francisco Sony

DILI, 29 marsu 2023 (TATOLI)– Konsellu Ministru aprova mós projetu Dekretu-Lei, ne’ebé aprezenta husi Primeiru-Ministru, Taur Matan Ruak, no husi Prezidente Autoridade Rejiaun Administrativa Espesiál Oé-Cusse Ambenu (RAEOA), Arsénio Bano, ba alterasaun daruak ba Dekretu-Lei númeru 28/2014, loron 24 fulan-setembru, kona-ba Rejime Espesiál Aprovizionamentu RAEOA.

“Revizaun rejime espesiál aprovizionamentu RAEOA nian ho hakarak atu aumenta efisiénsia administrativa no atu adapta rejime ba nesesidade partikulár rejiaun nian iha matéria aprovizionamentu”, Portavós interinu Governu nian, Joaquim Amaral, hateten iha Palásiu Governu, kuarta ne’e.

Ministru Koordenadór Asuntu Ekonómiku esplika katak projetu dekretu-lei ida-ne’e prevee posibilidade negosiasaun prévia ba adjudikasaun iha tipu aprovizionamentu ho konkursu restritu no solisitasaun ba kotasaun, bainhira komplesidade téknika husi prosedimentu ajuste direitu, ho natureza exesionál no subsidiária, bele aplika iha situasaun sira ne’ebé prevee iha diploma ida-ne’e.

“Atu simplika prosesu aprovizionamentu, iha situasaun ne’ebé sei opta husi tipu solisitasaun ba kotasaun ba sasán, obra ka servisu ho komplesidade ki’ik no, kumulativamente”, nia subliña.

Objetu husi prosedimentu ne’e sei ho valór inferiór ba rihun $10, permite atu dispensa prosedimentu pre-kualifikasaun, liuhusi solisitasaun, pelumenus, proposta tolu ba fornesedór ka prestadór servisu.

Jornalista: Antónia Gusmão

Editora: Maria Auxilaidora  

iklan
iklan

Leave a Reply

iklan
error: Content is protected !!