iklan

NASIONÁL, HEADLINE, POLÍTIKA

Ezekutivu aprova rezolusaun Governu ba akizisaun boletin votu ba ElPar

Ezekutivu aprova rezolusaun Governu ba akizisaun boletin votu ba ElPar

Lista Partidu Polítiku.

DILI, 29 marsu 2023 (TATOLI) – Ezekutivu aprova projetu rezolusaun Governu nian, ne’ebé aprezenta husi Minstériu Administrasaun Estatál, Miguel Pereira de Carvalho, ba akizisaun boletin votu ne’ebé destina ba Eleisaun Parlamentár (ElPar), iha loron 21 maiu 2023.

“Nune’e, Konsellu Ministru deside ona laiha opozisaun katak boletin votu hirak ne’e sei kontrata husi Sekretáriu Tékniku Administrasaun Eleitorál (STAE) no Imprensa Nasionál Timor-Leste, I.P (INTL), tuir norma legál sira ne’ebé iha vigor”, Ministru Koordenadór Asuntu Ekonómiku, Joaquim Amaral, realsa iha Palásiu Governu, kuarta ne’e .

Portavós interinu Governu nian ne’e salienta, ho rezolusaun refere deside mós laiha opozisaun katak STAE instaura prosedimentu aprovizionamentu nian, dezignadamente ajusta diretu, ne’ebé bele hatudu ba akizisaun boletin votu nesesáriu ba realizasaun eleisaun parlamentár.

Supremu Tribunál ba Justisa (STJ) liuhosi Tribunál Rekursu (TR), kuarta ne’e, anunsia ona rezultadu númeru sorteiu ba kandidatu Partidu Polítiku 17 ne’ebé sei konkorre iha Eleisaun Parlamentár.

Hafoin dada tiha sorteiu, Prezidente TR, Deolindo dos Santos, sei komunika ba STAE no Komisaun Nasionál Eleisaun atu kontinua ba prosesu imprensaun boletin votu.

Notísia relevante: TR anúnsia númeru sorteiu ba partidu polítiku konkore eleisaun lejizlativa 2023

Jornalista: Antónia Gusmão

Editora: Maria Auxiliadora

iklan
iklan

Leave a Reply

iklan
error: Content is protected !!