EDUKASAUN, DILI, POLÍTIKA

Parlamentu Foinsa’e konsensializa estudante partisipa ativa iha demokrasia

Parlamentu Foinsa’e konsensializa estudante partisipa ativa iha demokrasia

Prezidente UNICEF iha Timor-Leste, Bilal Aurang Zeb, iha ambitu abertura ba Plenaria Dahuluk Parlamentu Foinsa'e Tinan 2019-2022. Iha salaun Palasiu Nobre Lahane, tersa (24/08). Imajen Tatoli/Francisco Sony

DILI, 29 marsu 2023 (TATOLI)—Parlamentu Nasionál (PN) liuhosi sekeretáriadu jerál hamutuk ho Ministériu Edukasaun Juventude no Desportu (MEJD), halo abertura ba atividade Parlamentu Foinsaé iha nível munisipál ne’ebe hahúiha salaun INFORDEPE Ian Martin, Balide. Dili.

Parlamentu Foinsa’e hahú debate iha nível munisípiu hodi hala’o konsensializasaun ba estudante sira nível ensinu pre-sekundáriu, sekundáriu no tékniku vokasional sira iha territóriu Timor-Leste hodi bele partisipa iha prosesu demokrasia, liuhosi tema diskusaun ba tinan ida-ne’e mak Traballu Infantil.

Abertura ba diskusaun nível munisipál ba munisípiu Díli ne’e hetan partisipasaun másimu hosi estudante sira iha Díli liu0liu estudante 90 ne’ebé reprezenta kada eskola iha estudante na’in tolu (3).

“Importánsia hosi atividade ka programa Parlamentu Foinsaé ne’e, oinsá konsensializa estudante sira bele partisipa ativa iha prosesu demokratizasaun no dezenvolvimentu  nasionál,” Sekretáriu Jerál Adjunto Parlamentu Nasionál, João Rui Amaral, hateten liuhosi nia intervensaun.

Hosi debate refere, sei selesiona estudante na’in-tolu atu rezprezenta estudante sira iha Díli hodi partisipa iha sesaun debate Parlamentu Foinsa’e iha loron 27-28 fulan-abril tinan ne’e iha Parlamentu Nasionál (PN).

Hafoin debate iha munisípiu Díli, ekipa traballu hosi sekretáriadu  PN  hamutuk ho  MEJD dezloka ba munisípiu 13 hodi organiza debate no selesiona estudante sira hodi partisipa iha sesaun debate iha Parlamentu Nasionál.

Totál partisipante ka estudante Deputadu ba tinan 2023 ne’ebé sei partisipa iha sesaun debate Parlamentu ba Joven ne’e hamutuk 42.

Atividade Parlamentu Foinsa’e ne’e realiza ba daruak, ne’ebé hahú ona edisaun dahuluk iha tinan 2019 ho tópiku ba debate mak meiu ambiente.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!