DILI, 01 abríl 2023 (TATOLI)– Ekipa Primeira Divizasun Emmanuel FC ho esforsu tomak halakon nia adversáriu Academica FC ho eskore 4-0.
Hafoin jogu, Asistente Treinadór Emmanuel F.C Uanbasten Basten, hateten ekipa Emmanuel FC mai ho situasaun ida difísil, maibé konsege koleta pontu tolu kontra Academica FC.
“Halakon Academica FC importante tebes, tanba Emmanuel FC rasik sei hela jogu 2 tuir tan. Emmanuel FC agora dau-daun iha pontus 9 no sei falta pontu ida hodi mantein nia pozisaun iha Primeira Divizasun Liga Futeból Timor-Leste (LFTL)”, hateten asistente ne’e iha kampu futeból Dili, sábadu ne’e.
Tuir nian, ekipa Emmanuel FC sei hasoru FC Portu Taibessi no Ekipa Emmanuel FC mós iha fallasau oitaun, tanba jogadór di’ak nain rua hanesan Juvito Moniz ho numeru kamizola 3 no Mario Quintão “Mbappe” númeru kamizola 11 sei ba partisipa iha jogu Sea Games entaun jogadór intimu nain-rua sei la-haforsa ekipa Emmanuel FC iha jogu sira tuir mai.
“Ami sei ulun moras oituan hodi prepara an hasoru ekipa FC Portu Taibessi ”, nia afirma.
Iha sorin seluk, Treinadór Academica FC, Lusinho Dos Santos Saco, esplika rajaun hosi derrota tanba fallansu barak ne’ebé jogadór sira halo.
“Ha’u prepara formasi no ita-nia hakarak atu hala’o jogu tuir formasi ne’ebé iha, maibé jogadór sira laiha konsentrasaun, nune’e jogu la tuir formasi ne’ebé ha’u prepara ona,” nia afirma.
Maski, nia dehan derrota, maibe jogu tuir mai Academica FC nafatin prepara hodi enfrenta tanba klasifikasaun ida ne’e mak ikus liu, nune’e jogu tuir mai bele hadi’a di’ak liutan hodi gaiña netik pontu 3.
Eskuad Emmanuel FC:
Carvarinho Fernandes (1), Afonso de Carvalho (2), Sandro Quintão (14), Zeferino Nhew (12), Juvito Moniz (3), João de Sousa (22), Jonatas Pereira (7), Cristovão de Carvalho (29), Mario Quintão (11), Alexandere Moreira no Edit Savio (10).
Suplente:
Fortunato Gomes (77), Amancio Araujo (18), Carlos Soares (23), Elroy Braz (15), Fretelino Dos Santos (20), Luis Gumão (17), Orlando Belo (21), Vidal Correia (5), Zinedine Lopes (6) no Angelito Tilman (8).
Eskuad Academica FC:
Otilio Guterres (30), Erolismo Martins (4), Leandro Amaral (16), Lexi Hunior Otok (26), Joel Gaio (6), Alexandre da Cruz (10), Helder Lopes (17), Hilario Ximenes (11), Dani Ardianto (2), Damianus Putra (12) no Nortey Kojo (18).
Suplente:
Jemecriz Pereira (1), Filipe Ling (5), Helmerino da Costa (8), Florindo Soares (21), Melchior Cristovão (14) no Antonio Ximenes (13).
Jogu ne’e dirize hosi árbitu prinsipál Francisco Pereira no juis liña António de Carvallo, Gabriel Xavier Pereira no árbitu rezerva mak João Paulo da Costa.
Jonalista: Francisco Sony
Editór : Florencio Miranda Ximenes
