Top

FM deklara apoia CNRT iha eleisaun parlamentár 2023

Imajen/Natalino Costa

DILI, 01 abríl 2023 (TATOLI)- Partidu Frente Mudança, iha sabadu (01/4)  ne’e, deside apoia totálmente ba partidu Congresso Nasionál Rekonstrucão Timor (CNRT), ne’ebé lideradu hosi Xanana Gusmão iha eleisaun  parlamentár tinan ne’e.

“Haree ba desizaun Tribunál Rekursu nian ne’ebé mak deside  partidu Frente Mudança la partisipa eleisaun lejislativa, nune’e ohin  partidu Frenti Mudança liuhosi nia komisaun polítika deside halo konferensia extraodinaria atu deside ami-nia aposizaun  fó ami nia apoia  ba partidu CNRT  ne’ebé lideradu hosi maun bo’ot Xanana Gusmão iha eleisaun parlamentár”, Sekretariu Jerál Frente Mudança, Daniel Pereira deklara ba liuhosi konferensia imprensa ne’ebé maka  hala’o iha  Timor Lougde Comoro, sabadu ne’e.

Desizaun ne’e, estrutura partidu Frente Mudansa foti liuhosi diskusaun meja  Komisaun Polítika Nasionál (CPN) hamutuk ho  koordenadór munisipiu 13 inklui RAEOA no  konferensista sira.

“Liuhosi  rezutadu  votasaun   konferensia ne’e, Frente Mudança  ho votu maioria apoia  ba CNRT ida ne’e ami-nia desizaun,”  Nia  informa.

Iha fatin hanesan,  Prezidente Frente Mudança Ricardo Cardoso ‘Nehu’, hateten, razaun fundamentu  Frente Mudança apoia ba CNRT  tanba CNRT iha idelizmu no luta ne’ebé hanesan ho Frente Mudança  liuliu  atu luta ba direitu  demokratiku no reforma justisa.

“Razaun fundamentu daruak ne’ebé Frente Mudança apoia  ba CNRT iha eleisaun lejizlativa tinan ne’e mak reforma ekonómia para povu Timor bele moris di’ak”, katak nian.

Jornalista: Natalino Costa  

Editor         : Florencio Miranda Ximenes

Publisidade

Leave a Reply

Latest Post

error: Content is protected !!